Чэхія закупляе боепрыпасы для Украіны, у тым ліку ў саюзнікаў Расіі
Чэхія набыла каля 800 тысяч артылерыйскіх снарадаў ад розных пастаўшчыкоў па ўсім свеце і знайшла яшчэ 700 тысяч, якія можна набыць дадаткова.
Фота: Efrem Lukatsky / AP
Гаворка ідзе пра 300 тысяч снарадаў савецкага ўзору і каля 500 тысяч — заходняй вытворчасці, піша Бі-бі-сі.
Журналісты WSJ сцвярджаюць, што пастаўшчыкамі боепрыпасаў для Чэхіі, якія яна перадасць Украіне, з'яўляюцца саюзнікі Расіі. Прага не гаворыць, адкуль прыходзяць боепрыпасы.
Па дадзеных WSJ, гандлёвыя пагадненні мяркуюць, што пастаўкі будуць ажыццяўляцца праз Чэхію ці трэція краіны, каб схаваць сувязь паміж краінамі паходжання і Украінай і не наклікаць на пастаўшчыка гнеў Масквы.
Цяпер ужо аплачаны першы транш на 300 тысяч снарадаў, прычым найбольшы ўклад унесла Нямеччына.
Як адзначаюць у чэшскім урадзе, па меры паступлення сродкаў будзе даступна больш снарадаў. Першыя пастаўкі ва Украіну могуць пачацца на працягу бліжэйшых некалькіх тыдняў.
Чытайце таксама:
Украіна можа атрымаць лазерную зброю?
