Знайсці
05.03.2024 / 11:07РусŁacБел

У Гомелі развіталіся з вядомым інтэлектуалам, якога затрымлівалі падчас пратэстаў

У Гомелі адбылося пахаванне Аляксандра Шмідава — паважанага пенсіянера, знатака, якога ведаюць як удзельніка папулярных інтэлектуальных шоу «Што? Дзе? Калі?» і «Свая гульня». Пра яго смерць стала вядома 2 сакавіка, піша «Флагшток».

Аляксандр Шмідаў. Фота: Радыё Свабода

Ягоныя дзеці жылі ў Ізраілі і збіраліся забраць бацьку да сябе пасля таго, як у яго выявілі анкалогію — але не паспелі.

«У канцы снежня тата напісаў нам, што ў яго знайшлі рак і пара вывозіць яго ў Ізраіль. Мы неадкладна кінуліся тэлефанаваць па ўсіх знаёмых габрэйскіх арганізацыях і правяраць, што можна зрабіць. Зрабіць можна было няшмат, толькі дзейнічаць па стандартнай працэдуры рэпатрыяцыі, якая займае прыкладна два месяцы», — распавяла на старонцы Аляксандра ягоная дачка.

У лютым Аляксандр павінен быў ляцець у Ізраіль, але двойчы трапіў у лякарню і ў выніку там памёр — медыкі не змаглі яго ўратаваць.

«Пайшоўшы на пенсію, ён свядома абмежаваў адносіны, сышоў ва ўнутраную эміграцыю, у любое надвор'е хадзіў плаваць на Сож… І хоць абедзве дачкі ўжо жылі ў Ізраілі, з'язджаць не хацеў. І не з'ехаў…», — напісала ў сацсетцы сяброўка сям'і.

Увогуле на ягонай старонцы ў Фэйсбуку многія пакінулі добрыя ўспаміны.

Аляксандр вядомы таксама тым, што ў 2020 годзе ўдзельнічаў у акцыях пенсіянераў супраць гвалту з боку сілавікоў у дачыненні да пратэстоўцаў і фальсіфікацыі прэзідэнцкіх выбараў. Яго разам з іншымі пенсіянерамі затрымлівалі міліцыянты.

Таксама Аляксандр падтрымліваў Украіну ў яе барацьбе з расійскімі агрэсарамі.

Чытайце таксама:

Памёр Дзмітрый Малашчыцкі

Памёр скульптар Ігар Голубеў

Згвалтаваная ў Варшаве беларуска памерла

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
0
Ха-ха
0
Ого
1
Сумна
44
Абуральна
2
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930