Знайсці
05.03.2024 / 08:55РусŁacБел

Трамп мае ўжо 273 галасы на праймерыз супраць 43 у Хэйлі. Але ўсё можа вырашыцца ўжо наступнай ноччу

45-ы прэзідэнт ЗША сёння ноччу перамог на кокусах у Паўночнай Дакоце.

Дональд Трамп. Фота: Sue Ogrocki, AP

Экс-прэзідэнт ЗША Дональд Трамп лідзіруе на кокусах Рэспубліканскай партыі ў штаце Паўночная Дакота, атрымоўваючы галасы 29 дэлегатаў. Пасля апрацоўкі больш за 95% бюлетэняў за Трампа прагаласавалі ў Паўночнай Дакоце 1632 чалавекі (84,6% галасоў). Яго адзіная канкурэнтка Нікі Хэйлі набрала 273 галасы (14,1%), паведамляе NYT са спасылкай на папярэднія вынікі галасавання.

Для афіцыйнай намінацыі на выбарах 2024 года ад Рэспубліканскай партыі трэба сабраць у 50 штатах і саюзных тэрыторыях 1215 галасоў.

Трамп перамог на праймерыз і кокусах у Аёве (20 дэлегатаў), Нью-Гемпшыры (13), Невадзе (26), Вірджынскіх выспах (4), вотчыне Нікі Хэйлі Паўднёвай Караліне (47), Мічыгане (51), Айдаха (32), Місуры (51), Паўночнай Дакоце (29).

Нікі Хэйлі перамагла толькі ўчора ў сталіцы ЗША Вашынгтоне і сталічнай акрузе (19 дэлегатаў), у Аёве яна ўзяла восем галасоў, у Нью-Гемпшыры — 9, у Паўднёвай Караліне — 3, Мічыгане — 4, саступіўшы там агулам Трампу.

Сёння ноччу пройдзе «супераўторак» — праймерыз адбудуцца адразу ў 15 штатах: Аклахома, Алабама, Аляска, Арканзас, Вермонт, Віржынія, Каларада, Каліфорнія, Масачусэтс, Мінесота, Мэйн, Паўночная Караліна, Тэнісі, Тэхас, Юта, дзе будуць разыгрывацца галасы адразу 865 дэлегатаў, прычым Каліфорнія дае 169 галасоў, Тэхас — 162, Паўночная Караліна — 75.

Тэарэтычна Трамп можа ўзяць усе галасы, тады ў яго максімальна будзе 1138 галасоў, не будзе хапаць да запаветнай лічбы 77 галасоў, але ўсё ўжо будзе ясна.

19 сакавіка праймерыз пройдуць у пяці штатах (349 галасоў), у тым ліку ў Фларыдзе, якая дае 125 галасоў, 2 красавіка таксама ў пяці іншых штатах (195 галасоў) уключна з штатам і горадам Нью-Ёрк (91 голас).

Апошнія праймерыз у рэспубліканцаў адбудуцца 4 чэрвеня ў чатырох штатах (91 голас).

Учора Вярхоўны суд афіцыйна дазволіў Трампу балатавацца і забараніў штатам выкрэсліваць яго імя з бюлетэняў.

Калі Трамп выйграе ў лістападзе прэзідэнцкія выбары, ён стане другім у гісторыі ЗША прэзідэнтам, які займаў пасаду двойчы з перапынкам на чатыры гады. У канцы XIX стагоддзя такім быў Гровер Кліўленд (1885—1889, 1893—1897).

Чытайце таксама:

99% — за Трампа. Пасля пераканаўчай перамогі ў Невадзе экс-прэзідэнт ЗША ўшчыльную наблізіўся да паўторнага вылучэння

Трамп нанёс вырашальны ўдар у Нью-Гэмпшыры. Але Нікі Хэйлі абяцае не здавацца

Нікі Хэйлі ўпершыню перамагла Трампа на праймерыз

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
3
Ха-ха
0
Ого
1
Сумна
1
Абуральна
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930