Знайсці
04.03.2024 / 14:26РусŁacБел

Беларускую манету наміналам 1 рубель прадалі за 355 рублёў

Па такія манеты стаяць у чарзе не проста так — праз нейкі час яны могуць стаць нядрэннай інвестыцыяй. Нядаўна завяршылася некалькі цікавых аўкцыёнаў па продажы памятных манет, на адным з іх кошт лота вырас амаль у 20 разоў, піша Onliner.by.

Гэта медна-нікелевая манета наміналам 1 рубель «Выяўленчае мастацтва. Авангард. УНОВІС». Яе выпуск анансавалі ў 2020 годзе да 100-годдзя УНОВІС — авангарднага мастацкага аб'яднання, створанага Казімірам Малевічам у Віцебску ў 1920 годзе. Адпускная цана ў Нацбанка была 18 рублёў, усе манеты раскупілі.

Сярэбраныя манеты з гэтай серыі каштавалі 170 рублёў, цяпер у інтэрнэце кошт даходзіць да 1250 рублёў (але гэта максімум, некаторыя прадаўцы гатовыя аддаць і за 750 рублёў).

Яшчэ адна манета, якая рэзка вырасла ў цане, — да 150-годдзя Вітольда Бялыніцкага-Бірулі, выдатнага беларускага жывапісца-пейзажыста. На сайце Нацбанка пазначаны адпускныя цэны 150 і 185 рублёў за сярэбраную манету наміналам 20 рублёў (без футарала і ў ім), медна-нікелевая наміналам 1 рубель каштавала 22 рублі. Дарэчы, гэтыя манеты характэрныя яшчэ і тым, што яны прастакутныя.

Паводле інфармацыі ад калекцыянераў, гэтыя манеты трапілі ў продаж літаральна нядаўна, і за імі выстройвалася чарга ля цэнтральнага апарата Нацбанка.

Цяпер яны таксама разыходзяцца па аўкцыёнах. Медна-нікелевую манету нядаўна прадалі за 135 рублёў, яшчэ яна гандлюецца ўжо па 145 рублёў.

Сярэбраную на перапродажы мы заўважылі за 550 рублёў.

Што гэта за манеты?

Памятныя манеты выпускаюцца цэнтральнымі банкамі розных краін да якой-небудзь падзеі. Цэны на іх могуць адрознівацца ў разы і залежаць ад асаблівасцяў манет і накладу выпуску.

У кожнай памятнай манеты ёсць намінал, па ім яе павінны прымаць як звычайныя грошы, але нашмат больш выгадна прадаць яе калекцыянеру.

Чытайце таксама:

У Францыі знішчылі і выбілі паўторна 27 мільёнаў манет. Усё праз няўважлівасць

У рымскі фантан Трэві турысты за год накідалі 33 тоны манет

Нацбанк выпусціў незвычайную манету, стылізаваную пад старадаўнюю

Nashaniva.com

Хочаш падзяліцца важнай інфармацыяй
ананімна і канфідэнцыйна?

label.reaction.like
4
label.reaction.facepalm
1
label.reaction.smile
0
label.reaction.omg
1
label.reaction.sad
0
label.reaction.anger
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера