Знайсці
03.03.2024 / 18:533РусŁacБел

У Брэсце затрымлівалі і экс-мэра Рагачука, і абласнога кіраўніка Шулейку

Як стала вядома «Нашай Ніве», ліпкі настрой страху і перадчування горшага распаўзаецца па будынках органаў дзяржкіравання ў Брэсце. Нават губернатар Юрый Шулейка страціў спакой і знайшоў сябе ў ролі амаль што падследнага. 

Брэст, пешаходная вуліца

Што там канкрэтна адбываецца, яснасці няма. Мы ведаем толькі абрысы гісторыі, якая пачалася ў лютым з затрымання Валянціна Зайчука, першага намесніка старшыні Брэсцкага аблвыканкама.

Як кажуць суразмоўцы «Нашай Нівы», Зайчука ўзялі на адносна сціплым хабары. Што забаўна — кажуць, што грошы ён узяў расійскімі рублямі. 

«Але сума не мае значэння. У нас затрымліваюць тады, калі органы ўжо назбіралі інфармацыю, што чыноўнік вырашае пытанні за грошы. І калі Лукашэнка падпіша згоду на арышт, то не мае значэння, на якой суме чыноўнікаў возьмуць.

Маецца на ўвазе, што органам насамрэч вядома пра большую колькасць эпізодаў», — расказвае логіку наш суразмоўца, які хадзіў аднымі калідорамі з актыўнымі фігурантамі цяперашняй гісторыі.

Пасля затрымання Зайчука праблемы пачаліся ў ягоных былых калег. 

Суразмоўцы «Нашай Нівы» кажуць, што многія супрацоўнікі аблвыканкама ходзяць на допыты як на работу. Некаторыя «знікаюць». Некаторыя — аб'яўляюцца пасля знікнення. 

Так было, напрыклад, з былым кіраўніком Брэста Аляксандрам Рагачуком. 

Па словах двух інфармаваных суразмоўцаў, Рагачука выклікалі ў органы, дзе ён і знік мінімум на суткі — ацэнкі канкрэтнага часу, які экс-чыноўнік правёў у засценках, разыходзяцца.

Калі аналізаваць публікацыі ў тэлеграм-канале былога мэра, то яго затрымлівалі або на суткі паміж 1 і 2 сакавіка, або ў канцы лютага. Аднак пасля кароткага затрымання Рагачуку нібыта не выстаўлялі абвінавачванняў. 

Рагачук апублікаваў здымак, каб пацвердзіць, што знаходзіцца на свабодзе

Чытайце: Учора СМІ паведамлялі пра затрыманне былога кіраўніка Брэста. Але насамрэч ён на волі

У падобнай сітуацыі знаходзіцца і непасрэдны начальнік Валянціна Зайчука, старшыня Брэсцкага аблвыканкама Юрый Шулейка. Суразмоўцы «Нашай Нівы» звяртаюць увагу, што губернатар Брэсцкай вобласці прайшоў праз камунікацыю з органамі «па схеме Рагачука», толькі трошку раней. 

Шулейка застаецца не толькі на волі, але і пры пасадзе. Прынамсі, пакуль што.

Юрый Шулейка 

Імёны больш дробных фігур гэтай гісторыі нам пакуль невядомыя. Вядома, што сярод іх ёсць камерсанты.

Чытайце таксама:

Супрацоўнікі буйных холдынгаў і заводаў затрыманыя за карупцыю пры закупках на біржы

«Ëн з мазгамі, яму не варта было ісці ў начальнікі». Гісторыя кіраўніка Хоцімшчыны, якога пасадзілі за адкаты

«Хабар — 6500 даляраў». Сталі вядомыя падрабязнасці затрымання кіраўніка баранавіцкай птушкафабрыкі «Дружба»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
7
Панылы сорам
5
Ха-ха
36
Ого
5
Сумна
3
Абуральна
13
0
даведка/адказаць/
03.03.2024
Шулейко и его 1-й зам Зайчук аграрии, а Рогачук к сельскому хозяйству отношения не имел, тут что-то другое.
0
Літасцівы/адказаць/
03.03.2024
Шчыра кажучы, абсалютна няма спачування да гэтых людзей. 
0
даведка/адказаць/
04.03.2024
Первый заместитель курировал землеустройство. что могло его связывать с председателями гор- и облисполкома.

Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930