Знайсці
02.03.2024 / 22:291РусŁacБел

Выходзіць новая кулінарная кніга Алеся Белага, можна зрабіць перадзамову

Выдавецтва Gutenberg Publisher анансавала хуткі выхад новай кнігі вядомага знаўцы гістарычнай кухні Алеся Белага, якая мае назву «Самы цымус». Назва сімвалічная, бо прысутнае ў беларускай мове слова «цымус» — габрэйскага паходжання, а кніга прысвечаная адначасова дзвюм кухням, — беларускай і габрэйскай, — і іх узаемадзеянню. 

«На свеце напісана і выдадзена процьма кніг пра габрэйскую кухню. Самых розных — сур’ёзных, вясёлых, лёгкіх, грунтоўных, мудрагелістых, трагічных… А пра гісторыю кухні беларускай кніг зусім няшмат. І вось новая кніга, незвычайная. Пра габрэйскую і беларускую кухню адначасова. І нават болей: пра кухню трох гістарычных персанажаў, што да пары жылі на адной зямлі: селяніна, пана, местачковага рамесніка і гандляра.

Як такое магчыма? А бо і пан, і жыд, і мужык — маючы розную свядомасць і розныя традыцыі — елі той самы крупнік. Або бабку. Або кішку. Хоць і гатавалі іх крыху па-рознаму, і елі пад розныя нагоды. Гэтая кніга — пра знакавыя супольныя стравы трох культур. Пра самы цымус», — прадстаўляе новае выданне выдавецтва. 

У кнізе змешчаныя 15 нарысаў і некалькі дзясяткаў арыгінальных рэцэптаў. Выданне аздоблена аўтарскімі ілюстрацыямі Юрыя Таўбкіна.

Папярэдняя дата выхаду кнігі — 25 красавіка, але замовіць яе можна ўжо цяпер. І па больш нізкай цане, бо пасля выхаду кнігі яна павялічыцца. 

Перадзамовіць кнігу можна на сайце gutenbergpublisher.eu.

Чытайце таксама:

Андрэй Хадановіч першы, Алесь Белы трэці. У Літве падвялі вынікі чытацкага галасавання за найлепшыя кнігі года

Кніга аўтара «Нашай Нівы» трапіла ў спіс найлепшых нон-фікшн кніг года ў Літве. І яе можна падтрымаць

З чаго вараць і як называюць традыцыйныя беларускія супы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
6
Панылы сорам
0
Ха-ха
0
Ого
0
Сумна
0
Абуральна
0
03.03.2024
Vokladku maliavali ŭ Śmilavičach, tam byla vializnaja habrejskaja slabada, i jašče zachavalisia frahmienty vulic z padobnaj zabudovaj. Knihu kypliać nia budu. Byla b to bielaruskamoŭnaja kniha habrejskaj kuchni, dy jašče z praŭdzivaj historyjaj tych stravaŭ i tradycyjaj užyvańnia - inšaja sprava, a heta ž vo ni toje, i nia inšaje - luchta za vašy hrošy...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930