Знайсці
02.03.2024 / 11:067РусŁacБел

Новы галоўнакамандуючы УСУ расказаў пра сітуацыю на фронце

Аляксандр Сырскі ўзначальвае ўкраінскую армію тры тыдні.

Фота: Andriy Andriyenko / AP

«Працягваю працаваць на Усходнім фронце. За трое сутак стала цалкам зразумела, чаму пры аднолькавых паказчыках укамплектаванасці, узбраення і ваеннай тэхнікі адным брыгадам удаецца стрымліваць атакі праціўніка і ўтрымліваць пазіцыі, а іншым — не», — напісаў Аляксандр Сырскі ў сваім тэлеграм-канале.

Ён мяркуе, што гэта найперш залежыць ад камандзіра брыгады, яго ўзроўню падрыхтоўкі, досведу, умення прымаць адэкватныя і ўзважаныя рашэнні і разумення поўнай адказнасці за выкананне пастаўленых задач, за жыццё і здароўе падначаленых.

«Безумоўна, вялікую ролю адыгрывае ўзровень падрыхтоўкі і зладжанасці штаба брыгады, праз які камандзір ажыццяўляе свае паўнамоцтвы. Таму ў асобныя брыгады, дзе ёсць праблемы з падрыхтоўкай штаба, я накіраваў групы спецыялістаў для перадачы вопыту і аказання дапамогі», — падзяліўся Аляксандр Сырскі.

«Па выніках праслухоўвання камандзіраў брыгад і іх намеснікаў прыняты ўсе неабходныя рашэнні па забеспячэнні рэзервамі, боепрыпасамі, БПЛА і іншай тэхнікай. У некаторых выпадках, калі камандзір не кантралюе сітуацыю, а дзеянні і каманды пагражаюць непасрэдна жыццю і здароўю падначаленых, я вымушаны прымаць кадравыя рашэнні.

У цэлым жа сёння хачу адзначыць дзеянні ваеннаслужачых 54-й АМБр, якія трапным агнём артылерыі ў спалучэнні з пісьменным мініраваннем знішчылі дзве калоны бранетэхнікі праціўніка, стойкасць і мужнасць байцоў 25-й АПДБр і 47-й АМБр у баях за Орлаўку і Бердычы, рашучасць і мужнасць воінаў 79-й АДШБр пры адбіцці варожых атак у раёне Новаміхайлаўкі», — расказаў ён, дадаўшы, што сітуацыя на фронце застаецца складанай, але кантраляванай.

Аляксандр Сырскі быў прызначаны галоўнакамандуючым УСУ 8 лютага замест Валерыя Залужнага.

Чытайце таксама:

Што вядома пра Сырскага, які замяніў генерала Залужнага 

Аляксандр Сырскі расказаў, за кошт чаго збіраецца перамагаць у вайне

Бацькі новага кіраўніка УСУ Сырскага жывуць у Расіі

Незвычайнае хобі новага галоўнакамандуючага УСУ Аляксандра Сырскага

«Мы не можам сабе дазволіць «мясных штурмаў» — Аляксандр Сырскі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
34
Панылы сорам
6
Ха-ха
1
Ого
3
Сумна
4
Абуральна
3
7
Максим Дизайнер/адказаць/
02.03.2024
Ноўнэйм

Из окопа строчишь, воен, может из Авдеевки?Или все таки  из польской рыгаловки?
0
твая швабра/адказаць/
02.03.2024
Максим Дизайнер, а ты мабыць з рашысцкага акопа пішаш, ці з мацкоўскай ванітоўні?
02.03.2024
[Рэд. выдалена]
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930