Знайсці
29.02.2024 / 10:413РусŁacБел

Калаўр знайшоў пазітыў для беларускага рубля ў санкцыях 

Доля дэпазітаў у беларускіх рублях вырасла за мінулы год на 6%, паведаміў старшыня праўлення Нацыянальнага банка Беларусі Павел Калаўр.

Фота: БелТА

«Рос попыт на крэдытныя рэсурсы ў беларускіх рублях з боку карпаратыўнага сектара, а цікавасць да пазык у далярах і еўра скарачаўся. І дынаміка пераходу на нацыянальную валюту ўзмацняецца, у тым ліку ў знешнегандлёвых разліках», — сказаў старшыня Нацбанка.

Калаўр лічыць, што гэта пазітыўная з'ява для банкаўскай сістэмы. Памяншаецца верагоднасць страт з-за санкцый. Гаворка пра тыя выпадкі, калі валюту могуць «замарозіць» на рахунку пасля «прадузята скрупулёзнага камплаенс-кантролю» з боку замежных банкаў.

«Рэстрыкцыі генеруюць і іншыя перадумовы для форс-мажорных абставінаў. Пры працы з нацыянальнай валютай гэтыя рызыкі выключаюцца», — лічыць кіраўнік Нацбанка.

Агульная сума ўкладаў у нацвалюце ў 2023 годзе склала 8,1 мільярда рублёў. Гэта значыць іх доля ў цэлым у дэпазітах банкаў Беларусі дасягнула 45,6%. Сярэдняя сума ўкладу ў беларускіх рублях на 1 студзеня 2024 года склала 11,8 тысячы.

Большасць укладчыкаў (звыш 96%) — гэта рэзідэнты Беларусі. У асноўным гэта пажылыя людзі або старэйшыя за 46 гадоў. Агульная колькасць укладчыкаў у краіне — больш за мільён.

Чытайце таксама:

Сярэдні заробак у студзені спікіраваў адразу на 280 рублёў. Але не спяшайцеся засмучацца

Міністр гандлю спрагназаваў памер інфляцыі на гэты год. ЕАБР завочна пярэчыць

Попыт на валютныя ўклады падае, а продажы нерухомасці б'юць рэкорды. У чым прычына?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
2
Ха-ха
0
Ого
0
Сумна
0
Абуральна
1
0
Маразмат/адказаць/
29.02.2024
Ну, да. В Северной Корее валюта тоже крепкая внутри страны. Только никому не нужная.😂
1
Сапега/адказаць/
29.02.2024
Зганьбіў свой шляхецкі род
0
Янка/адказаць/
29.02.2024
Нешта Калаўра пацягнула на казкі - таму здаецца, што ўсё нашмат горш. Гэта ў якіх знешнегандлёвых разліках адбыўся пераход на нацыянальную валюту, то бок на BYN?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930