Знайсці
27.02.2024 / 23:114РусŁacБел

Польская паліцыя расказала, як затрымала чалавека, што падазраецца ў згвалтаванні беларускі ў Варшаве

Супрацоўнікі паліцыі з варшаўскага раёна Сьрудмесце затрымалі 23-гадовага хлопца, які падазраецца ў нападзе з нажом на 25-гадовую беларуску і яе згвалтаванні. Пакалечаная жанчына цяпер знаходзіцца ў рэанімацыі. 

Фота: srodmiescie.policja.gov.pl

Супрацоўнікі паліцыі прыбылі на месца злачынства праз некалькі хвілін пасля таго, як аголеную жанчыну без прытомнасці знайшоў на лесвіцы наглядчык будынка. Яны выклікалі хуткую дапамогу, а пакуль тая не прыехала, аказалі пацярпелай жанчыне першую дапамогу.

З-за жорсткасці гэтага злачынства выяўленне і затрыманне злачынцы было прыярытэтнай задачай для ўсіх супрацоўнікаў паліцыі, якія займаліся гэтай справай.

23-гадовага хлопца высачылі і схапілі, калі ён выходзіў з дома, дзе здымаў кватэру. Ён быў настолькі ўражаны, што не супраціўляўся. Падчас агляду памяшкання, дзе падазраваны жыў, паліцыянты знайшлі і канфіскавалі ў тым ліку вялікі кухонны нож і балаклаву, якія выкарыстоўваліся пры здзяйсненні злачынства. Ужо вядома, што зламыснік забраў у ахвяры два мабільныя тэлефоны, некалькі плацежных картак і кашалёк. Усе гэтыя рэчы паліцыя канфіскавала.

У ходзе расследавання падазраванаму выставілі абвінавачанне ў разбоі, сэксуальным злачынстве і замаху на забойства з небяспечнай зброяй. За гэтыя злачынствы, згодна з польскім Крымінальным кодэксам, мужчыну цяпер пагражае да 25 гадоў або нават пажыццёвае зняволенне. 

Чытайце таксама:

Для падтрымкі згвалтаванай і пакалечанай у Варшаве беларускі адкрылі дабрачынны збор

«Нейкі час яе сэрца не працавала». Хлопец беларускі, якую згвалтавалі ў цэнтры Варшавы, расказаў пра яе цяперашні стан

Беларуску згвалтавалі і спрабавалі задушыць у цэнтры Варшавы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
65
Панылы сорам
4
Ха-ха
0
Ого
2
Сумна
4
Абуральна
19
26
Дзеля справядлівасці/адказаць/
28.02.2024
А хлапец гэтай дзяўчыны тым часам абвесціў збор грошай на нешта-нейкае, хоча зарабіць нават 800 000 злотых.
0
Гена/адказаць/
28.02.2024
Вася, в вашу любимую эрэфию, там он быстро раствориться в толпе таких же.
28.02.2024
я пагядзеу укр блогерау,,,, яны пишуть что згвалтили украинку)) а вы пишите - беларуска
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930