Знайсці
27.02.2024 / 17:3210РусŁacБел

«У яе вельмі мудры погляд». У мінскім гатэлі паселяць экзатычную птушку

Стала вядома, што ў Мінску ў гатэлі «Еўропа» паселіцца белая палярная сава. Пра гэта паведамілі ў прэс-службе рэспубліканскага саюза турыстычнай індустрыі.

Фота: rsti.by

Адзначаецца, што гэта будзе адзіны жыхар названай гасцініцы, размешчанай у цэнтры Мінска, які будзе афіцыйна прапісаны па яе адрасе. Таксама гаворыцца, што на пастаяннае месца жыхарства ў гатэль «Еўропа» белая палярная сава пераедзе ўжо 5 сакавіка, да моманту адкрыцця рэстарана 1884 D'europe, дзе будзе сустракаць гасцей.

«Яна як велізарнае белае воблака — вельмі рэдкі від», — адзначыў дырэктар гатэля Дзмітрый Купрыянюк.

Паводле яго, саве заводзяць пашпарт. Таксама яна праходзіць ветэрынарны кантроль і неабходныя камісіі. Акрамя таго, птушку рэгіструюць на пастаяннае месца жыхарства ў гатэлі.

Дырэктар удакладніў, што клетку для савы падрыхтавалі па ўсіх міжнародных стандартах. Ён дадаў, што было заключана пагадненне з мінскім заапаркам на абслугоўванне птушкі.

«За ёй будуць даглядаць і прадстаўнікі заапарку, і нашы супрацоўнікі, якія пройдуць спецыяльнае навучанне», — адзначыў ён. А таксама растлумачыў, чаму для прэзентацыі гасцініцы выбралі менавіта гэтую птушку.

«Чаму менавіта сава? Акрамя таго, што яна доўгажыхар, у яе вельмі мудры погляд».

Увогуле ж рэстаран «1884 D'europe» мае вылучацца не толькі савой і назвай на французскі манер, але і асаблівым інтэр'ерам. У яго афармленні выразна прасочваецца стылістычны ўплыў Францыі XIX стагоддзя. Цэнтрам увагі стане аўтэнтычная люстра, набытая праз калекцыянера. Яна сотню гадоў упрыгожвала адзін з французскіх замкаў, а цяпер будзе ўзвышацца ва ўваходнай групе рэстарана.

Чытайце таксама:

«Калі я прынёс гэтыя талеркі, ва ўсіх былі круглыя вочы: «Ваў!». Дырэктар гатэля «Еўропа» расказаў пра вар'яцкі крэатыў, з якім ён рэфармуе ўстанову

У мінскім крутым гатэлі ўжо больш за тры гады жыве італьянец. І з'язджаць не збіраецца

Пажыць каралямі. Колькі каштуюць люксы ў крутых беларускіх гатэлях?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
6
Ха-ха
0
Ого
1
Сумна
1
Абуральна
2
0
общество защиты прав сов/адказаць/
28.02.2024
у рэстаране шумна. як гэта будзе для савы?

"Ученые установили, что строение и работа слухового аппарата сов имеют целый ряд особенностей. Прежде всего оказалось, что ушное отверстие у совы окружено особым оперением, которое образует звукоулавливающий рупор. Он, естественно, значительно усиливает воспринимаемые звуки. Площадь барабанной перепонки у ушастой совы около 50 квадратных миллиметров, в то время как у курицы в два раза меньше. Кроме того, у сов барабанная перепонка образует выпуклость, так называемый шатер, за счет него ее площадь увеличивается еще на 15 процентов. У сов значительно более сложная, чем у других птиц, система передачи звука в среднем ухе, более длинная улитка, включающая множество нервных элементов, воспринимающих звуки, и, наконец, сильно развитые слуховые нервные центры. Например, в одном из основных нервных центров у различных видов сов насчитывается от 16 до 22 тысяч нейронов, в то время как у голубя их всего около 3000."
28.02.2024
общество защиты прав сов, dyk sava tam dlia taho i budzie siadzieć, kab padsluchoúvać razmovy naviedvaļnikaú! Heta apošniaja raspracoúka KHB...analahaù netu.
0
Яська, гаспадар з-пад Вільні/адказаць/
28.02.2024
Шкада птушку... 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930