Знайсці
27.02.2024 / 16:31РусŁacБел

Пасля зімовай спячкі ў Беларусі ўжо прачнуліся кляшчы

Пра гэта паведамляюць чытачы Smartpress.by і карыстальнікі сацсетак.

Клешч. Фота: Wikimedia Commons

«У Мінску ў парку ўжо клешч укусіў сабаку», — адзначылі чытачы. Пра такую сітуацыю распавядаюць карыстальнікі сацсетак з Вілейскага раёна.

Ранняе наступленне «клешчавога сезона» абумоўлена пацяпленнем клімату — у апошнія гады адзначаюцца цёплыя кароткія зімы.

Спецыялісты нагадваюць, што больш за ўсё кляшчоў жыве ва ўмерана зацененых і ўвільготненых лісцевых і змяшаных лясах, у маладых зарасніках асінніку, на высечках, у малінніках, уздоўж сцежак, дарог, там, дзе пасецца рагатая жывёла. Яны жывуць толькі ў лясной падсцілцы, што ўтворана апалым лісцем і травой, пры спрыяльных умовах тэмпературы і вільготнасці, неабходных для іх жыцця.

Вясной кляшчы цярпліва вычэкваюць сваю ахвяру, стаіўшыся на травінках, сухастоі, высокім хмызняку па краях узлескаў, уздоўж дарог і лясных сцежак. Часцей за ўсё яны прымацоўваюцца да адзення чалавека ў лесе, калі ён кранае кусты, траву або сядае на траву.

З адзення і рэчаў перапаўзаюць на цела чалавека нават праз некалькі дзён. Могуць патрапіць у жыллё з букетамі кветак, венікамі, дровамі, хатнімі жывёламі.

Чытайце таксама:

Вырасла колькасць выпадкаў хваробы Лайма пасля ўкусу кляшчоў

Медыкі расказалі, дзе ў Мінску летась былі самыя куслівыя кляшчы

Сродкі ад кляшчоў і камароў, што прадаюцца ў краінах ЕС. Якія найлепшыя?

Клешч і яго тэлепартацыя на чалавека: выяўляецца, гэтыя паразіты выкарыстоўваюць статычную электрычнасць 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
0
Ого
1
Сумна
1
Абуральна
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930