Знайсці
24.02.2024 / 08:072РусŁacБел

Баскскі чызкейк — самы крэмавы чызкейк у свеце

Галоўныя асаблівасці баскскага чызкейка — гэта сметанковая сярэдзіна, падпечаны верх і няроўныя краі. Выпякайце дэсерт пры высокай тэмпературы: падчас гатавання ён павінен падняцца. Родам ён з Краіны Баскаў у Іспаніі (адсюль і назва).

Фота: Pixabay

Баскскі чызкейк лічыцца самым сметанковым у свеце. Яго структура лёгкая і мяккая, а ўсярэдзіне дэсерт здаецца крыху вадкім. Таксама ў яго моцна карамелізаваная верхні слой — гэта вынік запякання пры высокай тэмпературы.

Вам спатрэбіцца:

  • 750 г салёнага сметанковага сыру (напрыклад, Philadelphia)
  • 250 г сыру маскарпонэ
  • 1 шклянка + 2 сталовыя лыжкі цукру
  • 1 сталовая лыжка цукру з ваніллю (ці 1 чайная лыжка ванільнай пасты)
  • 6 яек
  • 400 мл вяршкоў тлустасцю 30-36%
  • 1 лыжка солі

аснова:

  • 200 г печыва (можна пакрытага шакаладам)
  • 3 сталовыя лыжкі масла

Як гатаваць:

Форму для торта дыяметрам 24-26 см заслаць паперай для выпечкі (так, каб папера выступала над бакамі формы).

Разагрэйце духоўку да 200°С. Растапіце масла. Раскрышыце печыва ў кухонным камбайне ці міксеры і дадайце ў яго растопленае масла.

Усё перамяшайце і выкладзіце на дно формы для выпечкі. Выпякайце прыкладна 6-8 хвілін. Адстаўце ўбок, каб слой астыў.

Сыры (сметанковы і маскарпонэ) змяшайце міксерам разам з цукрам (гэта можа быць цукар з ваніллю), соллю і ванільнай пастай. Паступова дадавайце па адным яйку, увесь час перамешваючы масу на нізкай хуткасці.

Нарэшце павольна ўліце густыя вяршкі ў сметанковую сумесь. Маса павінна быць вадкай. Вельмі павольна вылівайце яе на выпечаную аснову (каб яна не змяшалася з печывам, можна выліваць лыжкай).

Разагрэйце духоўку на 220 або 230 градусаў (магчыма, трэба больш ці менш — залежыць ад асаблівасцяў вашай духоўкі) і выпякайце тварожнік 35-40 хвілін.

Верх павінен падрумяніцца да цёмнага колеру, а сам чызкейк мусіць крыху «трэсціся» ўсярэдзіне, калі вы яго перасоўваеце, — так і павінна быць, ён застыне у халадзільніку.

Дастаньце чызкейк з духоўкі (ён можа крыху апусціцца, гэта нармальна) і, як астыне, пастаўце ў халадзільнік на некалькі гадзін (а лепш на ноч).

Чытайце таксама:

Рэцэпт на выхадныя. Дыетычныя чызкейкі — такія лёгкія і простыя ў гатаванні

Яблычныя колцы ў слоеным цесце — рэцэпт і асаблівасці гатавання 

Бліны на аўсянай муцэ — рэцэпт і асаблівасці гатавання

Цыкорыя: кава для бедных ці напой самых здаровых людзей?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
1
Ха-ха
0
Ого
0
Сумна
0
Абуральна
1
24.02.2024
Nu...
0
Chtości/адказаць/
03.03.2024
Cikava
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930