Знайсці
23.02.2024 / 18:533РусŁacБел

У Польшчы заявілі пра рост кантрабанды з Беларусі ў 10 разоў

Польскія памежнікі ў 2023 годзе зафіксавалі рэзкі рост кантрабанды з Беларусі — больш чым на 1000% па асобных пазіцыях, у той час як годам раней назіралася зніжэнне колькасці кантрабанды. Прытым гэта адбываецца на фоне пастаяннага ўзмацнення кантролю на польска-беларускай мяжы, піша Rzeczpospolita.

Плот на мяжы Польшчы з Беларуссю. Фота: Fabian Sommer/picture alliance via Getty Images

Паводле справаздачы Галоўнага ўпраўлення памежнай службы за мінулы год, больш чым на 1000% вырасла, у прыватнасці, кантрабанда цыгарэт — было выяўлена нелегальных цыгарэт на 24 млн злотых (каля 20 млн беларускіх рублёў у эквіваленце), тады як годам раней — усяго на 2 млн злотых (каля 1,6 млн рублёў).

Як адзначае Rzeczpospolita, усталяваны на мяжы Беларусі і Польшчы плот і арганізаванае ўздоўж яго дадатковае патруляванне «абмежавала кантрабанду людзей, але не спыніла арганізаваныя злачынныя групоўкі».

Прычым, мяркуючы са справаздачы польскіх памежнікаў, павялічыліся аб'ёмы кантрабанды ў тым ліку і праз легальныя пункты пропуску: за мінулы год супрацоўнікі памежнай службы і іншых устаноў канфіскавалі тавараў, незаконна ўвезеных з Беларусі, на агульную суму 30 млн злотых (каля 25 млн рублёў), тады як годам раней гэтая сума была ажно ў 5 разоў меншая — 5,8 млн злотых (каля 4,7 млн беларускіх рублёў).

Паводле звестак польскіх памежнікаў, у цэлым у два разы вырасла кантрабанда на польскіх межах не толькі з Беларусі, але таксама з Украіны і Расіі. Агульная сума выяўленай кантрабанды на ўсіх трох кірунках склала амаль 50 млн злотых (крыху больш за 40 млн рублёў). 

Чытайце таксама:

Польшча будзе мадэрнізаваць агароджу на мяжы з Беларуссю

Новы міністр унутраных спраў Польшчы плануе ўмацоўваць плот на мяжы з Беларуссю

Польшча пабудуе на мяжы з Беларуссю новую агароджу, з камерамі, цеплавізарамі і датчыкамі руху

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
2
Ого
3
Сумна
0
Абуральна
0
0
Кто-то просто перестал брать на карман/адказаць/
23.02.2024
Лол. Это не контрабанды стало больше,это ловить стали лучше.
0
Мушчына 30 лет/адказаць/
23.02.2024
Так это ж ошибка выжившего. Не контрабанда увеличалась, а выявлять стали чаще.
0
Федзя/адказаць/
23.02.2024
Просто чпще стали ловить, а если копануть все, то у поляков волосы станут дыбом. Пора им этот вопрос решать с китайцами.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930