Знайсці
23.02.2024 / 15:482РусŁacБел

У сацсетках распаўсюджваецца фэйкавы запіс голасу маці Навальнага, на якім яна праклінае сваю нявестку

Падробку маглі запусціць людзі, звязаныя з першым намеснікам кіраўніка Адміністрацыі прэзідэнта Расіі Сяргеем Кірыенкам.

Людміла Навальная. Скрыншот відэа

Увагу на аўдыёзапіс, створаны з дапамогай нейрасеткі, звярнуў галоўны рэдактар ​​«Праверана. Медыя» Ілля Бер, піша «Медуза».

На запісе змадэляваны голас, які аддалена нагадвае голас Людмілы Навальнай, прамаўляе наступны тэкст: «Паважаная Юлія Барысаўна Абросімава (Навальная), зараз я хачу звярнуцца да вас. <…> Я вамі пагарджаю і забараняю вам спекуляваць на імені майго сына, майго дзіцяці».

Акрамя таго, аўтары падробкі абвінавацілі Юлію Навальную ў нібыта «непрыстойным» вонкавым выглядзе на Мюнхенскай канферэнцыі па бяспецы, дзе ўдава палітыка з'явілася праз некалькі гадзін пасля навіны аб яго смерці.

Бер адзначае, што нізкая ступень падабенства голасу звязана з тым, што нейрасетку не было на чым навучаць. З публічных выступаў Людмілы Навальнай ёсць толькі яе зварот да Пуціна, у якім яна патрабуе выдаць ёй цела сына.

Таксама ён адзначае, што фэйк запусціў буйны тэлеграм-канал «Сігнал» з сеткі Крысціны Патупчык, якая атрымлівае грошы ад ініцыятывы «Дыялог». «Курыруе гэта ўсё асабіста [экс-прэм'ер] Сяргей Кірыенка», — напісаў Бер.

Аляксей Навальны памёр тыдзень таму, 16 лютага, у калоніі «Палярны воўк» у Ямала-Ненецкай акрузе. Яму было 47 гадоў.

Чытайце таксама:

Джо Байдэн сустрэўся з жонкай і дачкой Навальнага

«Не будзьце больш жорсткімі, чым Пілат». Праваслаўныя святары звярнуліся да ўладаў Расіі з просьбай аддаць цела Навальнага сям'і

Стваральнік «Навічка»: Калі версія атручвання правільная, цела Навальнага наўрад ці аддадуць маці

Скаргу маці Навальнага на нявыдачу цела сына разгледзяць толькі праз два тыдні

Хрыста Грозеў будзе расследаваць гібель Навальнага

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
5
Ха-ха
0
Ого
0
Сумна
1
Абуральна
11
1
Ёсік/адказаць/
23.02.2024
Няўжо той Ельцын кі Кірыенка ёсьць такая агідная пачвара. Людажэр нейкі, а не чалавек.
0
Краіна чмонь/адказаць/
23.02.2024
У сьвеце жывел.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера