Знайсці
22.02.2024 / 12:184РусŁacБел

«Зʼявіцца шмат безгаспадарнай спадчыны, якая адыдзе дзяржаве». Праблемы з нерухомасцю па даверанасці могуць яшчэ ўскладніцца

У беларусаў, якія жывуць за мяжой, пасля восеньскага ўказу Лукашэнкі ўзніклі праблемы з продажам нерухомасці па даверанасці. Як стала вядома «Свабодзе», неўзабаве гэты працэс можа яшчэ больш ускладніцца. Цяпер трасуць натарыусаў.

Паводле крыніцы «Свабоды», цяпер супрацоўнікі КДБ праяўляюць цікавасць да дзейнасці натарыяльных кантор, якія займаюцца афармленнем угод з нерухомасцю. 

«Правяралі ўсіх, праводзілі гутаркі, як цяпер афармляць угоды з нерухомасцю. Заявілі, што трэба, перш чым аформіць здзелку, праверыць, ці ёсць чалавек у спісах тэрарыстаў ці экстрэмістаў. Калі так, то «паведаміць у органы«. Аднаго натарыуса затрымалі. Не ведаю, ці яна аформіла ўгоду «не таму, каму трэба», ці знайшлі «кампрамат» у тэлефоне», — патлумачыла крыніца. 

Паводле суразмоўцы, цяжкасці з афармленнем узнікаюць не толькі таму, што не працуюць даверанасці, аформленыя за мяжой. Яшчэ адна прычына ў тым, што многія адміністрацыйныя працэдуры пры продажы нерухомасці змянілі. 

«Нам патлумачылі, што пасля натарыяльнай здзелкі кватэру трэба аформіць у БТІ (раней — Бюро тэхнічнай інвэнтарызацыі, цяпер — Агенцтва дзяржаўнай рэгістрацыі і кадастру. — РС), прычым прадаўцу і пакупніку трэба зʼявіцца ў БТІ асабіста. Інакш нерухомасць не зарэгіструеш», — кажа крыніца. 

Суразмоўца прагназуе, што неўзабаве ў Беларусі зʼявіцца шмат так званай безгаспадарнай спадчыны. То бок нерухомасці, якую ніхто не прыняў у спадчыну пасля смерці ўласніка. 

«І ўся гэтая безгаспадарная спадчына адыдзе дзяржаве», — кажа крыніца. 

Суразмоўца лічыць, што змены вядуць да таго, каб «адціскаць кватэры ў тых, хто выехаў за мяжу». 

Іншая крыніца расказала пра затрыманне натарыуса ў адным з райцэнтраў (дадзеныя ёсць у рэдакцыі. — РС). 

«Яна «спалілася« на тым, што выпісвала даверанасці людзям без асабістай прысутнасці. Тым, хто быў за мяжой. Таму пачалі праверкі ўсіх натарыусаў», — зазначыла крыніца. 

Ускладнілі адміністрацыйныя працэдуры

Як патлумачыў «Свабодзе» яшчэ адзін суразмоўца, зараз па генеральнай даверанасці, аформленай у Беларусі, пакуль можна прадаць нерухомасць ці атрымаць даведку на чалавека, які за мяжой. 

«Але ёсць іншыя складанасці, і яны пакуль непераадольныя. Напрыклад, я рабіла для чалавека, які за мяжой, па даверанасці даведку аб несудзімасці. На яе трэба было паставіць апастыль. Але праз змены ў адміністрацыйных працэдурах заплаціць за апастыль можа толькі той чалавек, які мне даваў даверанасць. Вось і ўсё», — патлумачыла крыніца. 

Яна дадала, што для натарыусаў нядаўна праводзілі адмысловую вучобу, каму і як прадаваць кватэры ў сучасных умовах. 

«Бо, думаю, людзі знаходзілі нейкія «дзіркі», каб усё-такі прадаць кватэру ў Беларусі. Цяпер жа сказалі строга — толькі асабістая прысутнасць, калі не — вылеціш з працы, як мінімум», — дадала крыніца. 

На яе думку, рыхтуецца забарона на продаж нерухомасці ў Беларусі без прысутнасці ўласніка. 

Пасля апублікаванага ў верасні 2023 году ўказу змяніліся правілы атрымання і прымянення даверанасцяў, пашпартоў і даведак. Раней грамадзяне Беларусі, якія жывуць за мяжой, маглі аформіць у беларускім консульстве даверанасць на распараджэнне сваёй маёмасцю на радзіме. Напрыклад, каб прадаць у Беларусі машыну, кватэру ці іншую маёмасць. Цяпер такой магчымасці больш няма, даверанасць трэба рабіць асабіста ў Беларусі. Апастыль на дакументы, паводле новага ўказу, таксама трэба рабіць у Беларусі.

Чытайце таксама:

Вераніка Цапкала — пакупнікам яе канфіскаванай кватэры: «Мы вернемся і запатрабуем ад вас выплаты арэнды!»

Жанчына ледзь не страціла кватэру, якую здавала па дамове. Як так?

«Усяго за 20 еўра я дапамагу «забыцца» знойдзеную інфармацыю». З'явілася махлярская схема ці правакацыя, магчымая толькі ў Беларусі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
17
Панылы сорам
7
Ха-ха
2
Ого
2
Сумна
7
Абуральна
69
0
Влад/адказаць/
22.02.2024
Кастусь, да, страна где ничего нельзя!
0
Вонзкраіны/адказаць/
22.02.2024
Маскалі ў скот нас заганяюць . Але ім станецца!
0
все ж понятно/адказаць/
23.02.2024
Кастусь,

пока, если успел оформить доверенность в рб, хату сбыть можно, но это очень скоро прикроют (вероятно, станет ВООБЩЕ невозможно распорядиться ЛЮБОЙ своей собственностью в рб, находясь за границей)

ну и невозможно будет оставить наследство тому, кто не в беларуси: без личного присутствия наследника невозможно будет оформить т.е., например, родительские кв. будут становиться гос. собственностью как бесхозные
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930