Знайсці
21.02.2024 / 19:248РусŁacБел

Калготкі Conte — у два разы даражэйшыя, лідскі квас — у тры разы. Якія беларускія тавары і па колькі можна купіць у Польшчы

Санкцыі Еўрасаюза істотна скарацілі аб'ём беларускіх тавараў, якія пастаўляюцца ў Польшчу, але многія брэнды па-ранейшаму можна знайсці ў польскіх крамах. Most паглядзеў, якія беларускія тавары цяпер прадаюцца ў Польшчы і колькі яны каштуюць.

Панчохі і калготкі Conte ў Варшаве

Першым знаходзіцца польскі сайт з панчошна-шкарпэткавымі вырабамі ад беларускай кампаніі Conte. Цэны на класічныя калготкі шчыльнасцю 40 дэн пачынаюцца ад 11,90 злотага (9,63 рубля) — гэта можа сабе дазволіць полька з любым бюджэтам. Верхні сегмент класікі — 27,90 злотага (22,53 рубля).

У сярэднім цэны нашмат вышэйшыя, чым у Беларусі. Так, у адным з беларускіх анлайн-гіпермаркетаў жаночыя калготкі Conte Elegant Prestige шчыльнасцю 70 дэн каштуюць 12,67 рубля, а ў польскай краме — 27,90 злотага, або 22,53 рубля — на 80% даражэй.

УВАГА: Цяперашні курс польскага злотага ў дачыненні да беларускага рубля — 0,80 рубля за 1 злоты па курсе Нацыянальнага банка Беларусі. 

Скрыншоты з сайтаў Conteshop.pl і Edostavka.by

Для аматарак панчох і калготак з узорамі прадстаўлена мноства варыянтаў. Напрыклад, цана калготак у гарошак вагаецца ад 24,90 да 51,21 злотага. За калготкі з надпісамі давядзецца заплаціць ад 27,90 да 62 злотых. Сярэдняя цана панчох — 32 злотыя.

Жаночыя панчохі Conte. Скрыншот з сайта Conteshop.pl

Крама прапануе бясплатную адпраўку тавараў пры куплі на суму ад 50 злотых.

Бялізна Milavitsa, адзенне Mark Formelle і шлёпкі Belwest

На польскім сайце Allegro можна набыць ніжнюю бялізну Milavitsa. Яе рэалізуюць фірма пад назвай ASTPL, а таксама некалькі прыватных асоб.

Пра актуальнасці мадэляў меркаваць складана, але шырокі выбар станікаў відавочны. Цэны пачынаюцца ад 71,99 злотага ў прыватнай асобы і ад 152 злотых — у фірмы.

Станікі Milavitsa. Скрыншот з сайта Allegro.pl

Тут жа можна знайсці тавары ад беларускага брэнда Mark Formelle. Праўда, асартымент расчароўвае: прадстаўлена ўсяго чатыры пазіцыі: чорны станік за 19,58 злотага, блузка за 19,62 злотага, шапка за восем злотых і мужчынская талстоўка за 30 злотых. У аб'явах пазначана, што тавары рэалізуе фірма, аднак усе яны прадстаўлены ў адным памеры.

Яшчэ ўдалося знайсці бэжавыя скураныя шлёпкі Belwest за 169 злотых.

Скураныя шлёпкі Belwest. Скрыншот з сайта Suzana.pl

«Беліта Вітэкс» і гаспадарчае мыла

На адным з польскіх сайтаў атрымалася знайсці касметыку «Беліта Вітэкс». Тут можна купіць пасту-біяпілінг за 69 злотых, зубную пасту за 11,70 злотага, апалосквальнікі для поласці рота за 13 і 14,90 злотага і гелі для душа за 14,70.

На іншым сайце знайшлі мыла-пілінг для цела за 29 злотых, увільгатняльную пенку для мыцця за 15 злотых і арома-соль для ванны за 16.

Але самай цікавай знаходкай стала легендарнае беларускае гаспадарчае мыла 72% за 3,95 злотага.

Гаспадарчае мыла. Скрыншот з сайта Allegro.pl

Цацкі фабрыкі «Палессе»

Наступная знаходка — цацкі беларускай фабрыкі «Палессе». На сайце kimland.pl прадстаўлены даволі шырокі асартымент цацак для дзяўчынак і хлопчыкаў, аднак большасць тавараў для куплі недаступныя.

У наяўнасці трактар з прычэпам за 49 злотых, набор посуду з 32 прадметаў за 24 злотых і кубікі за 119. Крама прапануе бясплатную дастаўку пры замове ад 249 злотых. Пры замове на меншую суму дастаўка абыйдзецца ад 12 злотых.

Дзіцячыя машынкі. Скрыншот сайта Kimland.pl

Лідскі квас і глыбоцкая згушчонка ў тэлеграм-чаце

У тэлеграм-чаце «Беласток» удалося знайсці лідскі квас і глыбоцкую згушчонку ад прыватнага прадаўца. Кошт згушчонкі — 15 злотых за бляшанку, а двухлітровай бутэлькі квасу — 10 злотых. У беларускім гіпермаркеце тыя ж прадукты каштуюць 3,69 рубля і 2,83 рубля, адпаведна.

Беларускі шакалад на ebay.pl

Калі задацца мэтай, то на гэтым сайце можна замовіць самыя розныя беларускія прысмакі з дастаўкай у Польшчу, але цэны будуць касмічнымі. Так, за ўпакоўку грыльяжу ў шакаладзе ад фабрыкі «Спартак» давядзецца аддаць 172,11 злотага, чатыры ўпакоўкі журавін у цукры будуць каштаваць ад 176 злотых, 900 грамаў «сталічных» цукерак абыдуцца ў 317 злотых.

Чытайце таксама:

Якіх імпартных тавараў больш за ўсё не хапае беларусам?

За чатыры паездкі ў Польшчу можа атрымацца нармальная беларуская зарплата. Колькі зарабляюць беларускія чаўнакі 

Залатая смятана і дэфіцытны селядзец: па колькі беларускія прадукты прадаюць у Эміратах

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
2
Ха-ха
7
Ого
1
Сумна
1
Абуральна
5
1
Трагедия красного человека/адказаць/
22.02.2024
даведка, говори за себя! Я не нищий, Гарбацюк не нищий, Цапкало не нищий, etc. И ваще - ходи дальше с нечищеными зубами, если дорого.
0
Трагедия отсутствия логики/адказаць/
22.02.2024
Трагедия красного человека, в огороде бузина, в Киеве дядька.
0
даведка/адказаць/
22.02.2024
Вопрос не в дороговизне, а в том, что в соседней Польше всё это стоит до трёх раз дешевле!!!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930