Знайсці
21.02.2024 / 10:003РусŁacБел

«Я не ведаю, хто і каго выбірае». Праўладны святар Андрэй Лемяшонак спадзяецца, што замест яго нехта прагаласуе

«Ці трэба праваслаўнаму чалавеку ўдзельнічаць у выбарах?» — спыталі ў праўладнага святара Андрэя Лемяшонка падчас традыцыйнай «Гутаркі з бацюшкам». Высветлілася, што, нягледзячы на ўсю дзяржаўную прапаганду, нават ён не ведаў, калі і якія выбары. Але цікавы адказ даў.

Святар Андрэй Лемяшонак. Скрыншот відэа на YouTube-канале Свята-Елісавецінскага манастыра

— Я не агітатар. Гэта зараз будуць выбары? Шчыра кажучы, я не ведаю, хто і каго выбірае. У мяне проста няма сілаў даведацца.

У нейкі момант, здаецца, святар зразумеў, што атрымліваецца не вельмі ідэалагічны адказ, і паспрабаваў выруліць на больш ухвалены дзяржавай шлях.

— Ну, можа, калі мы грамадзяне, калі мы паўдзельнічаем, дык гэта добра…

Нейкая сумленная грамадзянка з залы вырашыла дапамагчы бацюшку і пачала гучна казаць:

— Канешне, трэба ўдзельнічаць!

Лемяшонак дапамозе ўзрадаваўся:

— Вось, Лена кажа, што трэба ўдзельнічаць. Паслухаем разумных людзей. Толькі трэба ж ведаць, за каго галасаваць.

Нябачная Лена, акрыленая поспехам, вырашыла працягнуць:

— Усіх выкрасліць.

Такія ідэі бацюшку крыху напалохалі:

— Усіх выкрэсліваць не трэба. Гэта няправільна. Гэта ўжо не ўдзельнічаць, гэта пратэставаць. Гэта ўжо… вы што, апазіцыянер?! Не? Глядзіце мне. Царква за.

Але далей Лемяшонак пачаў несці крамолу сам: ён выказаў спадзяванні, што замест яго нехта на выбарах птушачку паставіць, бо ў святара нядзеля — гэта вельмі складаны і напружаны дзень. 

Адказваючы на іншае пытанне, бацюшка прызнаўся: да 2020 года ён ніколі не галасаваў на выбарах.

— Я прачнуўся ранкам, а ўнутры мне Бог кажа: «Табе зараз трэба ісці і галасаваць за прэзідэнта». 

Я ўвогуле не разумеў, што са мной адбылося. Пасля толькі зразумеў. І ў мяне не было ні кроплі сумневу. Гэта не маё нейкае рашэнне. Проста мне бог паказаў: цяпер вельмі небяспечны час і ты павінен не сыходзіць у такую апалітычнасць, што «я за мір». Усё гэта словы, прытым пустыя словы.

Пра тое, ці забараняў гэты ўнутраны голас фатаграфаваць бюлетэнь, святар удакладняць не стаў.

@nashaniva Пакуль вас заганяюць на галасаваць, спіс дэпутатаў ужо вядомы #беларусь#беларусьсейчас#беларускіцікток#нашаніва#белорусы#новостибеларуси#беларусьновости#минск#минскаяобласть♬ Funny Guy - Parry Music

Чытайце таксама:

Святар Лемяшонак назваў расійскіх акупантаў мучанікамі, а свой манастыр — малітоўнай «крэпасцю» Русі

Святар Лемяшонак заклікаў ахвотных хутчэй пераязджаць у Беларусь, бо хутка сюды прыедзе «ўся Еўропа» і месца можа не хапіць

Праўладны святар адказаў, што рабіць, калі твая нявеста онліфаншчыца

Протаіерэй Лемяшонак пра расстрэл для бацькі са Слуцка: Раней я быў за смяротнае пакаранне. Цяпер супраць

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
6
Ха-ха
24
Ого
0
Сумна
0
Абуральна
4
1
Ёсік/адказаць/
21.02.2024
Сікаеш, стары, што і па цябе прыйдзе зграя дырэктара саўгаса, кожнае слова ўзважваеш. Божы служка? Не, лукашовы прапагандыст, прыкрываешся Богам. Няма павагі да такіх папоў, бо вы ёсьць адлюстраваньне крывавай улады, якое транслюеце на царкву. Пазьнішчалі прыходы, дзе паства была супраць вайны, а твае бабы прымаюць удзел у зьнішчэньні праваслаўных украінцаў. Навошта, пытаюся, патрэбна такая царква, якая парушае ўсе Божыя законы. Словы "я за мір" табе не падабаюцца, абраў бок людажэра? Атрымаеш і ты за сваё паскудства, будзеш шчэ еньчыць, але ўсё зафіксавана, інтэрнэт не птушка, ляпнуў - засталося нашчадкам.
0
свечной заводик /адказаць/
21.02.2024
Блазан у расе.
0
кісё/адказаць/
21.02.2024
ну царква заўсёды была за цара (любога). у іх служба пачынается з малітвы за аляксандра (зразумела якога)
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930