Знайсці
20.02.2024 / 19:42РусŁacБел

У Брэсце айцішніка судзілі за данат палку Каліноўскага, зроблены з беларускай карткі

Брэсцкі абласны суд 12 і 14 лютага 2024 года разглядаў крымінальную справу супраць 39-гадовага Аляксандра Сысоева. Пракурорам быў Аляксандр Богуш, а судзіла Руслана Сянько, піша «Вясна».

Фота ілюстрацыйнае

Аляксандр Сысоеў родам з Броннай Гары Бярозаўскага раёна, а апошнія гады жыў у Бярозе. Паводле звестак з ужо выдаленага профілю ва «Вконтакте», у 2008 годзе скончыў БДУІР па спецыяльнасці «штучны інтэлект». Да моманту арышту распрацоўваў камп'ютарную гульню. Мужчыну затрымалі 5 ліпеня 2023 года, з тых часоў ён быў пад вартай.

Сысоеву паставілі ў віну тое, што ён праз фэйсбук, выкарыстоўваючы аплатную сістэму PayPal, пералічыў грошы палку Каліноўскага. Перавод на суму 12,91 даляра ЗША быў з беларускай карты.

Дзяржабвінавачанне кваліфікавала гэта як ч. 2 арт. 361-3 КК РБ, «фінансаванне грамадзян Рэспублікі Беларусь для ўдзелу на тэрыторыі замежнай дзяржавы ва ўзброеным фармаванні аднаго з супрацьлеглых бакоў, ва ўзброеных канфліктах, ваенных дзеяннях».

Паводле звестак «Берасцейскай вясны», 12 лютага пракурор Богуш запатрабаваў для Сысоева пяць гадоў калоніі ўзмоцненага рэжыму. Прысуд абвяшчалі 14 лютага. Дакладны прысуд на гэты момант невядомы, аднак у абсалютнай большасці выпадкаў па палітычных справах брэсцкія суддзі прысуджаюць роўна тое, што просяць пракуроры.

Чытайце таксама:

«Па такіх «абвінавачаннях» можна перасаджаць усіх прыкормленых прапагандыстаў». Прарасійская сталіністка Мірсалімава пракаментавала сваю справу

Адсутнасць ныркі, пухліна ў галаве, рак. Хто з беларускіх палітвязняў мае за кратамі вялікія праблемы са здароўем

Што вядома пра памерлага палітвязня Ігара Ледніка

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
3
Ха-ха
0
Ого
0
Сумна
0
Абуральна
21
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930