Знайсці
19.02.2024 / 23:574РусŁacБел

19-гадовая настаўніца з Гродна расказала, як зарабляе 1600 рублёў. Не ўсе ёй вераць

«У руках я трымаю свой разліковы ліст за студзень», — з такіх слоў пачынаецца ролік, які нарабіў шуму ў тыктоку. Аўтарка відэа — 19-гадовая дзяўчына, яна скончыла Ваўкавыскі педагагічны каледж і працуе ў гродзенскай гімназіі настаўніцай пачатковых класаў, піша Grodno.in.

Дзяўчына паведаміла, што за першы месяц 2024 года атрымала 1600 рублёў. І прадэманстравала адпаведны радок разліковага лістка. Свой студзеньскі заробак дзяўчына расклала па палічках:

«Я — класная кіраўніца другога класа, аклад — 460 рублёў. Я не ведаю, колькі ў мяне там гадзін, але пяць разоў на тыдзень — гурток, два факультатывы. У мяне яшчэ тры платныя групы, якія я вяду на працягу тыдня пасля ўрокаў. І ў мяне стымулюючыя ды падтрымныя заняткі».

Акрамя таго, паколькі дзяўчына настаўніца пачатковых класаў, ёй ідзе даплата за класнае кіраўніцтва — гэта 250 рублёў. І надбаўка як маладому спецыялісту — 138 рублёў.

Дзяўчына дала параду гледачам роліка: «Замест таго каб пісаць дрэнныя каментары, схадзіце да начальства і спытайце, як вам павысіць заробак».

У каментарах разгарнулася дыскусія: 1600 — гэта шмат ці мала?

Людзі падзяліліся сваімі даходамі:

«Я як настаўніца англійскай мовы і педагог-арганізатар за гэты месяц атрымала 970 руб., і таксама маладая спецыялістка».

«У мяне больш за 30 гадзін нагрузка, дзве школы, конкурсы, выставы, міжнародныя спаборніцтвы, акцыі — і я не атрымліваю больш за 1000».

А іншы каментатар зрабіў выснову:

«Усё часцей сустракаюся з людзьмі, якія без вышэйшай адукацыі атрымліваюць больш. Ад вышэйшай адукацыі яшчэ ніхто не паразумнеў…».

Чытайце таксама:

У школе Мінскай вобласці не ацяпляюць, але заняткаў не адмяняюць. Чыноўнікі прыдумалі для дзяцей лепшае

«Прыбіральніца раскідала зменку». Маці школьніка з Новай Баравой лютуе, а ў каментарах дакараюць яе саму 

«Нас «выціскаюць» патроху, але вельмі выразна…». Беларусы расказалі, як асабіста іх закранае павелічэнне камуналкі

«Мяне не ўспрымаюць як мужа і бацьку. Я ператварыўся ў мяшок грошай». Адваротны бок жыцця гастарбайтараў, пра які не гавораць уголас

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
9
Ха-ха
10
Ого
1
Сумна
1
Абуральна
3
0
Коля/адказаць/
20.02.2024
А як завуць малую, хто яе бацькі? НН як заўсёды не дагаворвае
20.02.2024
Туфта от БРСМ.
0
Максим Дизайнер/адказаць/
20.02.2024
Какой ужас. Молодая, ходить по кафе, ресторанам, фитнес-центрам, выставкам, гулять в парке, беречь психику и ментальное здоровье. Упахивается по 10-12 часов 5-6 дней  неделю с отпрысками колхозников и пролетариев. Чтобы те у Польшчу могли переехать.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера