Знайсці
17.02.2024 / 16:0531РусŁacБел

Зяленскі запрасіў Трампа з'ездзіць на лінію фронту

Прэзідэнт Украіны сказаў, што гатовы звазіць 45-га і патэнцыйнага 47-га прэзідэнта ЗША на лінію фронту, каб той убачыў рэальнае становішча спраў.

Уладзімір Зяленскі і Дональд Трамп у Нью-Ёрку ў 2019 годзе. Фота: AP Photo/Evan Vucci, File

Прэзідэнт Украіны Уладзімір Зяленскі зноў запрасіў у Кіеў прэтэндэнта на пасаду прэзідэнта ЗША ад Рэспубліканскай партыі Дональда Трампа, каб даць таму магчымасць азнаёміцца з рэальным становішчам спраў ва Украіне, якая абараняецца ад расейскай агрэсіі.

«Калі Трамп захоча прыехаць, я нават гатовы з'ездзіць з ім на лінію фронту», — сказаў Зяленскі на палях Мюнхенскай канферэнцыі бяспекі ў суботу, піша Deutsche Welle.

«Людзі, якія прымаюць рашэнні, павінны ведаць, якая вайна ў рэальнасці, а не ў Instagram», — растлумачыў украінскі прэзідэнт. Адначасова ён падзякаваў ЗША за ўжо аказаную ваенную дапамогу і паведаміў, што на палях Мюнхенскай канферэнцыі збіраецца яшчэ сустрэцца з амерыканскім кангрэсменамі.

Дональд Трамп ужо неаднаразова заяўляў, што ў выпадку перамогі на прэзідэнцкіх выбарах у ЗША ён за 24 гадзіны спыніць вайну ва Украіне. Трамп не ўдакладняў, якім чынам ён збіраецца зрабіць гэта, але крыніцы ў ягоным атачэнні паведамілі, што ў выпадку перамогі Трамп мае намер аказаць ціск і на Украіну, і на Расію, каб прымусіць іх сесці за стол перамоваў — Украіну ён прыстрашыць спыненнем вайсковай дапамогі, а Расію, наадварот, яе павелічэннем.

Рэспубліканцы ў Кангрэсе ЗША ўжо працяглы час блакуюць вылучэнне новага пакету ваеннай дапамогі Украіне на суму 60 млрд даляраў. Пасля шматтыднёвых перамоваў Сенат, дзе большасць маюць дэмакраты, усё ж ухваліў гэты пакет, але Палата прадстаўнікоў, дзе перавагу маюць рэспубліканцы, можа заблакаваць яго.

ЗША з'яўляюцца найбуйнейшым пастаўшчыкоў ваеннай дапамогі Украіне. Нямеччына находзіцца на другім месцы.

Чытайце таксама:

Трамп хоча праз спыненне падтрымкі прымусіць Украіну да перамоваў з Расіяй

Дэвід Кэмеран заклікаў Кангрэс ЗША не паўтараць з Пуціным памылак, дапушчаных з Гітлерам

«Гэта бязмозгла, гэта ганебна». Байдэн рэзка абрынуўся на Трампа за яго прамовы пра нежаданне абараняць саюзнікаў па NATO

«Я не буду вас абараняць, буду заахвочваць Расію рабіць усё, што ім захочацца». Трамп згадаў старую размову з саюзнікамі па НАТА 

Заходнія палітыкі адрэагавалі на словы Трампа пра адмову абараняць ад Расіі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
21
Панылы сорам
0
Ха-ха
3
Ого
2
Сумна
0
Абуральна
1
0
Ладзік/адказаць/
18.02.2024
Глупства нейкае. Хай ён Байдэна з Хілары і Абамам запросіць, якія лэнд-ліз заблакавалі.
0
бабруйчанін/адказаць/
18.02.2024
Ладзік, зверху маі каменты цябе таксама тычацца
0
Гэта праўда/адказаць/
18.02.2024
Boba , Два дальнабойшчыкі, Біба і Боба.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера