Знайсці
13.02.2024 / 21:144РусŁacБел

«Мы не можам сабе дазволіць «мясных штурмаў» — Аляксандр Сырскі

Нядаўна прызначаны галоўнакамандуючы Узброеных сіл Украіны генерал-палкоўнік Аляксандр Сырскі заявіў, што расійска-ўкраінская вайна павінна скончыцца выхадам Украіны на свае законныя межы, іншыя варыянты не разглядаюцца. А для гэтага ўсё грамадства павінна згуртавацца вакол перамогі. Пра гэта ён сказаў у інтэрв'ю нямецкаму тэлеканалу ZDF, паведамляе Укрінформ.

Аляксандр Сырскі. Фота: Yuriy Mate/Global Images Ukraine via Getty Images

«Вы ведаеце, калі нават не вайна, вайна ў нас пачалася з 2014 года, а мы гаворым пра адкрытую агрэсію.

Дык вось калі гэтая агрэсія пачалася, у мяне было такое адчуванне, што я іду ў нейкую бездань, якая не мае выразных нейкіх абмежаванняў па часе, часовых абмежаванняў.

Зразумела, што гэта для нас вялікая праблема. І ў той момант зусім не было ясна, калі гэта скончыцца. Але было мне ясна, што гэта будзе доўга і гэта будзе цяжка», — сказаў Сырскі, адказваючы на пытанне, ці думаў ён у пачатку вайны, што яна працягнецца так доўга.

На ўдакладненне журналісткі, адкуль надзея, што Украіна можа хутка скончыць гэтую вайну, галоўнакамандуючы УСУ адказаў:

«Гэта грунтуецца на тым, што мы яе павінны скончыць з выхадам на нашы межы. Гэта па-першае. Таму што іншых варыянтаў не разглядаецца. Таму што іншага проста выйсця ў нас няма. А гэта значыць, што ўсё, усё грамадства павінна згуртавацца вакол агульнай справы — перамогі».

Ён дадаў, што ў гэтай справе «трэба напружыцца ўсім…, трэба наладзіць вытворчасць непасрэдна тут, у нас ва Украіне».

«Гэты працэс запушчаны. Трэба нарошчваць аб'ёмы вытворчасці, таму што мы, у першую чаргу, павінны разлічваць на ўласныя сілы. Не толькі на партнёраў, з улікам усяго, але і на ўласныя сілы. Ну і, вядома, трэба ўдасканальваць тактыку.

Для нас галоўная задача і галоўная каштоўнасць — гэта жыццё нашага салдата, афіцэра, тых баявых падраздзяленняў, якія непасрэдна выконваюць баявыя задачы.

Мы не можам дазволіць сабе такога стаўлення, як робяць расійскія начальнікі, калі яны праводзяць практыку «мясных штурмаў». Я лепш пакіну якую-небудзь пазіцыю, але не дапушчу гібелі ўсяго асабовага складу. А для іх каштоўнасць жыцця салдата роўная фактычна нулю. І мы гэта бачым…

Наогул страты — гэта вельмі адчувальная тэма для ўсіх. Для любой краіны, любога грамадства», — сказаў Сырскі.

8 лютага 2024 года прэзідэнт Уладзімір Зяленскі прызначыў генерал-палкоўніка Аляксандра Сырскага галоўнакамандуючым Узброеных сіл Украіны.

Чытайце таксама:

Незвычайнае хобі новага галоўнакамандуючага УСУ Аляксандра Сырскага

Бацькі новага кіраўніка УСУ Сырскага жывуць у Расіі

Аляксандр Сырскі расказаў, за кошт чаго збіраецца перамагаць у вайне

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
20
Панылы сорам
1
Ха-ха
2
Ого
1
Сумна
0
Абуральна
3
4
Топ/адказаць/
13.02.2024
Диванному аналитику виднее.
14.02.2024
Он и есть мясник. 
14.02.2024
Зеленский мастер PR и пропаганды. Прекрасно знает в чем проблема этого Сырского.  Думает если в телике и инете будет все ОК, то  и "в народе" ок.... Но трупы НЕ спрячешь....
Генерал 200 - не зря так украинцы его называют.... Залужный  - СТРАТЕГ. Думал на 3 шага вперед. Не озирался на "диванных экспертов" из Пентагона и Нато....  А Сырский простой исполнитель. Толковый, грамотный НО ИСПОЛНИТЕЛЬ.... 
Жаль украинских солдат в ближайшие месяцы... 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031