Знайсці
10.02.2024 / 22:24РусŁacБел

Траўмаванага беларуса знялі са скалы амаль на самым краі свету

У Аргенціне са скалы на востраве Вогненная Зямля ў выніку працяглай начной выратавальнай аперацыі знялі 29-гадовага беларускага турыста, які атрымаў траўму. Пра гэта паведамляе мясцовая выратавальная служба, піша сайт «Беларусь і свет».

У аўторак, 6 лютага, каля 19.00 вечара члены аднаго з альпінісцкіх клубаў, якія займаліся скалалажаннем, праінфармавалі, што ў раёне скалаў П'едрас-Наранхас, размешчаных паміж сцежкамі да возера Лагуна Эсмеральда і ледніка Оха-дэль-Альбіна, знаходзіцца пацярпелы чалавек, які просіць пра дапамогу.

Неадкладна была арганізаваная ратавальная аперацыя, у якой узялі ўдзел супрацоўнікі некалькіх арганізацый. Пасля таго, як яны прайшлі па сцежцы, прыкладна ў 23.40 з турыстам быў усталяваны кантакт.

Высветлілася, што мужчына пашкодзіў шчыкалатку і не мог рухацца сам. Яму аказалі першую дапамогу і сталі рыхтаваць да эвакуацыі.

Спуск пачаўся каля 01.30. Пацярпелага неслі на насілках. А завяршылася выратавальная аперацыя ў 04.00, калі турыст быў адпраўлены на машыне хуткай дапамогі ў бальніцу населенага пункта Ушуая — адміністрацыйнага цэнтра правінцыі Вогненная Зямля. Ён, дарэчы, лічыцца самым паўднёвым горадам планеты.

Чытайце таксама:

«Двойчы ўвайсці ў раку Ла-Плата майму пакаленню не дадзена». Беларуская перакладчыца прайшла аргенцінскімі сцежкамі старых успамінаў

Вайны не будзе. Венесуэла і Гаяна дамовіліся не звяртацца да сілавога вырашэння канфлікту

«Дрэвы аказаліся больш трывалымі за дамы». Беларуская перакладчыца прайшлася па ўругвайскай сталіцы сцежкамі старых успамінаў

Нескладаная легалізацыя, дабрабыт, але традыцыйная маньяна. Беларус пераехаў з сям'ёй ва Уругвай

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
1
Ха-ха
3
Ого
6
Сумна
2
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера