Знайсці
03.02.2024 / 23:4010РусŁacБел

Давераную асобу Лукашэнкі раптоўна не зарэгістравалі кандыдатам у Гродзенскі абласны савет

На ўсе 60 выбарчых акругаў у Гродзенскі абласны савет знайшлася толькі безальтэрнатыўная — Ашмянская. Тут у апошні момант адваліўся фаварыт, бізнэсмен Андрэй Барбашынскі.

Андрэй Барбашынскі — намеснік старшыні Беларускай федэрацыі гандбола, у мінулым паспяховы гандбаліст. У 1992 стаў алімпійскім чэмпіёнам у складзе зборнай СНД. А ў 2020 быў даверанай асобай Аляксандра Лукашэнкі падчас прэзідэнцкіх выбараў. Цяпер ён член выканкама Нацыянальнага алімпійскага камітэта на чале з Віктарам Лукашэнкам.

«Калі спатрэбіцца, я гатовы ўзяць у рукі аўтамат і стаць побач плячом да пляча з прэзідэнтам», — казаў Барбашынскі.

Барбашынскі родам з Ашмянаў. Стаў вядомым за кошт гульні ў мінскім СКА, у 1990-я гуляў у клубах з Іспаніі, Венгрыі і Германіі. Пасля сканчэння кар’еры заняў бізнэсам. Працуе дырэктарам беларуска-нямецкай кампаніі «Белабедзінг», якая выпускае матрацы на фабрыцы пад Гродна.

Барбашынскі меўся удзельнічаць у выбарах — ад яго імені сабралі подпісы ў падтрымку, правялі сход працоўнага калектыву. Бізнэсмен падаў дакументы на рэгістрацыю, але ў апошні момант нешта пайшло не так.

У выніку дэпутацкае месца давядзецца заняць яго спарынг-партнёрцы, загадчыцы сектара культуры Ашмянскага райвыканкама Вользе Барысенка-Рабко, якую дадалі ў бюлетэні ад Камуністычнай партыі.

Чытайце таксама:

«Працаваць на карысць Радзімы». Гомельскі дэпутат не дачакаўся заканчэння паўнамоцтваў і з'ехаў у Расію

Брэсцкая дэпутатка парламента ішла на перавыбары — але раптоўна зняла сваю кандыдатуру

Кіраўнікі «Беларуськалія» пайшлі на выбары і апублікавалі дэкларацыі. Якія ў іх заробкі?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
2
Ха-ха
34
Ого
3
Сумна
1
Абуральна
2
0
Руслан/адказаць/
04.02.2024
даведка, Пан спортсмен и без депутатства получит спец-пенсию чиновника за свою сегодняшнюю непыльную, но денежную должность. 
0
даведка/адказаць/
04.02.2024
Могли теоретически найти карту поляка, двойное гражданство или ВНЖ.
0
Нацдэм/адказаць/
04.02.2024
Проста нейкі рэнесанс камуняк
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031