Знайсці
04.02.2024 / 16:4017РусŁacБел

Мужчынскія стрыжкі, пра якія пара забыць

Спадзяемся, вы не знойдзеце сваю прычоску ў гэтай падборцы.

Стрыжка — адзін са спосабаў самавыяўлення. Яна можа падкрэсліць індывідуальнасць і расказаць пра характар чалавека. Таму не варта ставіцца да выбару прычоскі спусціўшы рукавы. Каб не памыліцца, азнаёмцеся з тымі мадэлямі, якія канчаткова і беззваротна выйшлі з моды.

Выгаленыя ўзоры

Сучаснасць, у якой мы жывем, апошнім часам усё больш нагадвае свет «Вар'яцкага Макса», але паўтараць стыль персанажаў таго фільма пакуль не трэба. 

Фота: Вікіпедыя

Нават Раналду, які доўгія гады аддаваў перавагу экстравагантным футурыстычным прычоскам, адмовіўся ад ідэі выгаляць ўзоры на сваёй патыліцы — і не памыліўся. Такая стрыжка ўжо не актуальная.

«Мамкін іракез»

Калі імкненне стаць панкам сустракаецца з матулінымі забаронамі, некаторыя мужчыны робяць «псеўдаіракез». Асноўны мінус такой прычоскі — яна патрабуе дбайнай укладкі і выкарыстання вялікай колькасці фіксуючых сродкаў.

Фота: unsplash.com

Для тых, хто апошнія сезоны мучыўся з такой стрыжкай, ёсць добрыя навіны: яе можна смела састрыгаць.

Марачок ці пляцоўка

Такая стрыжка была асабліва папулярная ў дзевяностыя — тады «пляцоўку» насілі ўсе самыя вядомыя галівудскія «кепскія хлопцы». Мяркуючы па ўсім, некаторыя мужчыны затрымаліся ў настальгіі па гэтым дзесяцігоддзі.

Фота: інстаграм

Надышоў час адпусціць мінулае, каб на яго месца прыйшло нешта свежае і сучаснае.

Пёры

Трэнд нулявых да гэтага часу сустракаецца на галовах беларускіх хлопцаў. Трэба прызнаць, што «пёры» нядрэнна глядзяцца на тыктокерах, а вось з астатнімі такая стрыжка гуляе злы жарт — робіць вобраз нафталінавым і нядбайным.

Фота: unsplash.com

Рэтра-бібер

Прычоска залатых часоў Бібера нядрэнна прыжылася ў нашых шыротах: у адзін час яе насіў ледзь не кожны падлетак. Аднак цяпер гэтая рамантычная прычоска страціла сваю актуальнасць — час звярнуць увагу на нешта новенькае.

Фота: unsplash.com

Пампадур

Любоў да гэтай складанай канструкцыі прыйшла да нас з Італіі. Але тамтэйшыя мужчыны маюць больш цвёрдую структуру валасоў і для іх такая ўкладка не займае шмат часу. Нашым жа хлопцам даводзіцца хітраваць: рабіць начос ды наносіць моцны стайлінг.

Фота: інстаграм

Ці каштуюць затрачаныя намаганні італьянскай эстэтыкі — вялікае пытанне. Часцяком тое, што добра выглядае на фота ці на подыуме, у жыцці ўспрымаецца занадта вычварна.

Грыўка на прамых валасах

У 40-х гадах мінулага стагоддзя гэтая прычоска была папулярная ў пай-хлопчыкаў. Паслухмяны малы з часам вырастаў ва ўзорнага бацьку і вернага мужа, а бліскучая грыўка сігналізавала дамам, што з такім мужчынам можна смела будаваць спакойную, моцную сям'ю.

Фота: unsplash.com

Увесь флёр стрыжкі разбурыў Гітлер — цяпер грыўка на прабор асацыюецца менавіта з ім. Але нават без гэтага параўнання такая прычоска мала каму пасуе, а калі дакладней — увогуле нікому.

Зачос на лысіну

Валасы, акуратна зачасаныя на лысіну, — не лепшая маскіроўка. Такая прычоска кідаецца ў вочы і толькі падкрэслівае, што адсутнасць валасоў — балючая тэма для мужчыны. Настолькі, што ён выбірае быць недарэчным, але з «шавялюрай», а не стыльным, але без валасоў.

Фота: скрын з фільма

Калі, дачытаўшы гэты артыкул, вы зразумелі, што з вашымі валасамі усё добра, не расслабляйцеся — праверце, ці няма памылак у вашым гардэробе.

Чытайце таксама:

Памятаеце фрыка з шыкоўнымі вусамі з маршаў ябацек? Вось як ён цяпер выглядае

У Беларусі ёсць цырульня, дзе можна пастрыгчыся за рубель

У Магілёве знайшлі цырульню, якая цалкам захавалася з 90-х. Яна працуе, і ў ёй тая ж цырульніца

Беларускі барбер збірае мільёны праглядаў у тыктоку. Чым ён прываблівае?

Кацярына Гардзеева

Хочаш падзяліцца важнай інфармацыяй
ананімна і канфідэнцыйна?

Клас
9
Панылы сорам
11
Ха-ха
57
Ого
2
Сумна
3
Абуральна
6
0
Вадзім/адказаць/
05.02.2024
Зачос на лысіну - гэта пра комплексы і таму недарэчны ў любыя часы.

Ацэнка прычоскі іншага чалавека - модна там, ці ня модна, носяць так ці ўжо ня носяць і як даўно - гэта таксама пра комплексы ацэньваючага і гэдаксама недарэчна ў любыя часы.

Амаль увесь артыкул (апроч зачоса) - пра нейкія комплексы аўтара.
0
Вадзім/адказаць/
05.02.2024
А для мяне асабіста - пад машынку без насадкі для мяне самае яно
0
Максим Дизайнер/адказаць/
05.02.2024
Зачем это статья в стране лысых быков и "по-короче"?У местных баб нет вкуса, чтобы мужикам там что-то выстригать. Колхозаны даже представить себе не могут, как прическа меняет образ, настроение, человека. По прическе многое можно сказать и понять. Будьте прощэ, НН. И колхозаны к вам потянутся.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930