Знайсці
27.01.2024 / 16:0023РусŁacБел

Якія рэчы мы знайшлі ў гардэробе Ірыны Абельскай

Ірына Абельская — па-ранейшаму адна з самых уплывовых беларускіх жанчын. Некалі яна была асабістай доктаркай Аляксандра Лукашэнкі, цяпер кіруе Рэспубліканскім клінічным медцэнтрам (лечкамісіяй). Але перадусім пазнавальная як маці Колі Лукашэнкі. «Наша Ніва» звярнула ўвагу на тое, у чым Ірына Абельская з'яўляецца на публіцы.

Chanel, Louis Vuitton, Zara

У гардэробе мамы Колі мы знайшлі адразу некалькі рэчаў ад вядомага французскага дома Chanel. Так, на адным з мерапрыемстваў жанчына ўпрыгожыла сваю сукенку срэбранай брошкай. На рэсэйле такую можна набыць за 465 еўра, але першапачатковы кошт такой рэчы у раз даражэйшы. 

Фота: сайт-рэсэйл

Мяркуючы па фірмовым ланцужку і спецыяльнай скураной падшэўцы, якая абараняе плячо, для сустрэчы з першай лэдзі Зімбабвэ Аксіліей Мнангагва Абельская прыхапіла сумку Chanel 19, коштам больш за 7 тысяч даляраў.

Фота: сайт-рэсэйл

Аўтфіт дапаўняла сукенка з ціснутага шоўку ад японскага моднага дома Issey Miyake. Убор глыбокага адцення dark navy сёння можна купіць за 1382 даляры. Дарэчы, гэтая мадэль — амаль што навінка. Яна была прадстаўлена на зімовым тыдні моды ў 2023 годзе.

Фота: сайт-рэсэйл

Яшчэ адну брэндавую сукенку ад брэнда Escada Ірына надзявала на прыём. Чорны убор з валанамі без уліку зніжкі каштуе 579 еўра.

Фота: сайт-рэсэйл

Зрэшты, у гардэробе Ірыны сустракаюцца і рэчы з мас-маркету. Напрыклад, гэтая сукенка ад «Зары».

Фота: belta.by

Адмысловай любоўю Абельскай карыстаюцца сумкі. Акрамя Chanel, пра якую мы казалі вышэй, у калекцыі жанчыны ёсць зялёны аксесуар ад Louis Vuitton. У брэндавым буціку такую ​​мадэль ужо знайсці складана — яна даволі старая, але на сайтах-рэсэйлах такая каштуе больш за 2 тысячы даляраў.

Фота: сайт-рэсэйл

На яе фоне сумка ад італьянскага брэнда Salvatore Ferragamo коштам 450 даляраў без уліку зніжкі проста губляецца.

Фота: сайт-рэсэйл

Нядаўна мы зазіралі ў гардэробы і іншых жанчын, набліжаных да Лукашэнкі. Паглядзець, што носяць яго нявесткі, можна ў гэтым артыкуле.

***

Як Абельская дасягнула свайго палажэння?

Ірына Абельская (дзявочае прозвішча Пастаялка) нарадзілася ў 1965 годзе ў Брэсце. Скончыла Мінскі дзяржаўны медыцынскі інстытут. У аўдыторыях альма-матэр Ірына сустрэла свайго будучага мужа — Яўгена Абельскага. Неўзабаве ў пары нарадзіўся сын Дзмітрый. Зрэшты, шлюб працягнуўся нядоўга.

Абельская і Аляксандр Лукашэнка пазнаёміліся, калі жанчыне было 29 гадоў — у 1994 годзе. Тады Адміністрацыя Лукашэнкі аб'явіла негалосны «кастынг» на ролю асабістага ўрача першай асобы дзяржавы. Крытэрыі пошуку былі дзіўнымі: медыка шукалі не па прафесійных навыках, а па палавой прыкмеце. Чакалася, што гэтую пасаду павінна заняць незамужняя жанчына ва ўзросце каля 30 гадоў, прыемнай знешнасці, якая мае дзіця — чамусьці менавіта хлопчыка.

Фота: Facebook

У сталічных медустановах запыталі асабістыя справы жанчын-урачоў, якія падыходзяць пад гэтыя крытэры. У 9-й гарадской бальніцы, дзе на той момант працавала Ірына, падобных кандыдатак аказалася тры. Пашанцавала Абельскай.

З цягам часу яна зблізілася з кіраўніком краіны, і кар'ера пайшла ўгару. У 2001 годзе, паводле пратэкцыі новага «зяця», маці Ірыны, Людміла Пастаялка, заняла пасаду першага намесніка міністра здароўя (а пасля і міністра), а сама Ірына стала галоўным доктарам рэспубліканскай бальніцы Кіраўніцтва спраў Лукашэнкі. У 2004 годзе становішча жанчыны ўмацавала нараджэнне сына Колі. 

Зрэшты, у біяграфіі Абельскай былі і чорныя палосы. На некалькі гадоў Ірыну саслалі працаваць звычайным доктарам УГД, але ў 2009-м вярнулі ў кіраўніцтва лечкамісіі.

Фота: tut.by

Нядаўна Абельскую зноў сталі адпраўляць у далёкія камандзіроўкі. Так, у складзе беларускай дэлегацыі жанчына ўжо двойчы наведала Зімбабвэ.

«Наша Нiва» — бастыён беларушчыны

ПАДТРЫМАЦЬ

Кацярына Гардзеева

Хочаш падзяліцца важнай інфармацыяй
ананімна і канфідэнцыйна?

label.reaction.like
32
label.reaction.facepalm
53
label.reaction.smile
13
label.reaction.omg
17
label.reaction.sad
25
label.reaction.anger
62
2
полиграф (или как там оно называется у вас:ь ?)/адказаць/
28.01.2024
даведка, понимайти, вы не должны были реагировать
и особинно сичас
но вы ж сриагиравали)
0
даведка /адказаць/
28.01.2024
Молчание знак согласия, поэтому я ушёл в отрицалово.
29.01.2024
Оборзели вконец,  а Свидетельство о браке нужно предъявить при посягательстве на льготы?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031