Знайсці
11.12.2023 / 22:193РусŁacБел

Мінскі «Ржавы мост» над Свіслаччу ператварыўся ў снежную горку, а абслугоўваць яго ўсе адмаўляюцца

Тое, што «Ржавы мост» над Свіслаччу аказаўся без дагляду, заўважыла чытачка «Анлайнера». «Абяцалі, што будзе падагрэў. Дзе ён?», — задала яна пытанне.

Рэдакцыя «Анлайнера» паспрабавала праясніць гэта пытанне, і выявіліся цікавыя рэчы: усе патэнцыйна адказныя за дагляд моста ківаюць адно на аднаго.

Так, ЖКГ адказала, што пра абяцанне ўвогуле не ў курсе, а наконт прыбірання моста трэба звяртацца ў Зелянбуд.

Зелянбуд накіроўвае ўсіх зацікаўленых у «Мінскую спадчыну», маўляў, заяўка адносна прыбірання на разглядзе ў іх.

А «Мінская спадчына» кажа, што моста на баланс не прымала, таму і прыбіраць яго яе супрацоўнікі не будуць.

«Ржавы мост» — адзін з найноўшых мастоў Мінска. Узвядзенне моста ад вуліцы Зыбіцкай да былой другой гарадской бальніцы было запланавана ў рамках будаўніцтва гатэля Hilton. Ужо на этапе праектавання да яго прыляпілася назва «Ржавы», бо агароджа выканана з картэнавай сталі, колер якой нагадвае ржу.

Мост атрымаўся даволі стромкім па ўздыме, каб гарадскія службы маглі чысціць пойму Свіслачы і спакойна праязджаць пад мостам. Адкрылі яго ў сярэдзіне кастрычніка 2022 года, але ўжо літаральна праз некалькі дзён праход па мосце перакрылі на час будаўніча-мантажных работ гатэля па суседстве. Потым мост працаваў яшчэ нейкі час, а ў лютым гэтага года на яго зноў стала нельга заходзіць, і зноў з той самай прычыны. Зноў ён адкрыўся ў красавіку 2023 года.

Чытайце таксама:

Мост цераз Прыпяць на дарозе Калінкавічы — Мазыр закрыюць на два гады

Архітэктары паказалі, як будзе выглядаць мост на бульвары Шаўчэнкі ў Брэсце пасля рэканструкцыі

Два пуцеправоды на Даўгабродскай і два ў цэнтры горада. Якія масты ў Мінску чакае рамонт

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Жвір/адказаць/
11.12.2023
Ужо ад пачатку гэта была дурата й грошы на вецер. Якім месцам думалі ?
1
Калгас /адказаць/
11.12.2023
I не толькi мост, гразь паусюль як у свiнарнiке, снег, гразь, пясок, усё змяшалася i нiхто не прыбiрае
0
Мікрараён /адказаць/
12.12.2023
Ня трэба яго чысціць. Каму ён там патрэбны зімой. Лепш лесвіцы на мікрараёнах чысціце!!! Для людзей!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера