Знайсці
11.12.2023 / 16:544РусŁacБел

Цэны на квіткі з Польшчы ў Беларусь выраслі ў 2-3 разы. Колькі каштуе з'ездзіць на навагоднія святы

Квіткі на многія рэйсы з Варшавы ў беларускія гарады ўжо распрададзеныя, а на тыя, што засталіся, перавозчыкі ўзвінцілі цэны ў некалькі разоў. 

Ілюстрацыйны здымак. Фота: тэлеграм-канал «Варшавка Граница Брест-Тересполь»

Мінск-Варшава-Мінск

Цэны на квіткі з Мінска да Варшавы блізкія да стандартных. За выключэннем 2 студзеня, калі цана пачынаецца з 200 рублёў.

У адваротным кірунку, з Варшавы да Мінска, звычайна можна дабрацца за 110-140 рублёў. Квіткі па такіх цэнах дасяжныя і на выезд 12 снежня. Але з набліжэннем Калядаў і Новага года тарыф пачынае расці. Квіткі на пятніцу 15 снежня засталіся толькі па 200 рублёў з чалавека. На некаторыя іншыя перадсвяточныя дні — па 250 рублёў з чалавека ў адзін бок.

Фота: скрыншот з сайта atlasbus.by

Але і гэта не так шмат у параўнанні з квіткамі па 350 рублёў. 

Гродна-Варшава-Гродна

З Гродна да Варшавы ў канцы снежня можна даехаць за 100-110 рублёў. Гэта звычайная цана.

Але з адваротным маршрутам няпростая сітуацыя. Напрыклад, набыць квіткі на сайце перавозчыка з выездам з Варшавы на 21-23 снежня наогул немагчыма, бо яны ўсе распрададзеныя.

Фота: скрыншот з сайта atlasbus.by

Засталося крыху квіткоў з Варшавы да Гродна з выездам вечарам 25 снежня. Цана — 340 рублёў з чалавека ў адзін бок. Такія самыя цэны і на 28 снежня.

А вось на студзень 2024 года квіткі з Варшавы да Гродна каштуюць ужо ад 100 рублёў.

Фота: скрыншот з сайта atlasbus.by

Кратнае павышэнне цаны тлумачыцца ўзрослым попытам. На сайце перавозчыка пазначана, што гэта вымушаная мера, якая дазваляе прыцягнуць больш транспарту, каб месцаў хапіла большай колькасці пасажыраў.

Чытайце таксама:

Колькі цяпер займае праходжанне мяжы? Беларусы пра паездкі ў ЕС на аўтобусах і аўто

У Варшаве здаюць кватэру плошчай усяго 9 м². Вось як гэта выглядае

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Дмитрий/адказаць/
11.12.2023
Расціслаў, участвовавшие в 20-ом не ездят. Это те, кого все устраивает, создают ажиотаж
5
бабруйчанін /адказаць/
11.12.2023
Гєта суууседзі з захада " ханучаць" ці мясцовые гешефтмахэры кошт узнял і???
11.12.2023
бабруйчанін , гэта расияне и украинцы … дамоу едуть.. у расию🤣
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера