Знайсці
11.12.2023 / 13:54РусŁacБел

Сваякі Андрэя Пачобута баяцца, што сітуацыя з пазбаўленнем яго перадач і спатканняў можа захавацца да 2028 года

Журналіст Андрэй Пачобут за кратамі з сакавіка 2021 года. Навін ад палітвязня мала і яны ў цэлым змрочныя, напісалі ягоныя сваякі ў сацсетках.

Андрэй Пачобут у судзе. Фота: БелТА

Нядаўна супраць Андрэя склалі два пратаколы — у пакаранне яго пазбавілі перадачы і спаткання. Агулам ад пачатку адбыцця тэрміну ў Пачобута ўвогуле не было ні сустрэч, ні перадач, піша Радыё Свабода.

Сваякі журналіста мяркуюць, што такая тэндэнцыя можа захавацца да моманту яго вызвалення, як мінімум да лютага 2028 года.

Аднак блізкія Пачобута таксама адзначаюць, што ён не страціў раўнавагі, спакойнага настрою, заўсёды цікавіцца ўсімі сваімі сябрамі і калегамі і перадае прывітанні.

Андрэя Пачобута затрымалі ў сакавіку 2021 года ў Гродне. За артыкул пра напад СССР на Польшчу ў верасні 1939-га яго абвінавацілі ў «распальванні варожасці па нацыянальнай прыкмеце». У 2023-м вынеслі прысуд — 8 гадоў калоніі. 21 чэрвеня стала вядома, што палітвязня перавялі ў наваполацкую калонію № 1.

Чытайце таксама:

Андрэй Пачобут знаходзіцца ў ШІЗА і не атрымлівае неабходных лекаў

«Для польскага народа ён — герой!» Родным Андрэя Пачобута ўручылі медаль 75-годдзя місіі Яна Карскага

Актывіст СПБ: Сітуацыя з Андрэем Пачобутам вельмі цяжкая

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера