Знайсці
09.12.2023 / 11:261РусŁacБел

Падлічылі, якія колеры ў адзенні часцей за ўсё выбіраюць беларусы — рэйтынг папулярнасці

«Куфар» правяла аналіз запытаў беларусаў і беларусак адносна колеру пры набыцці адзення. Вынікі дастаткова чаканыя.

У той час, як колерам 2023 года быў мікс малінавага і ярка чырвонага, а для 2024 года інстытут колеру Pantone абраў Peach Fuzz ці пяшчотна-персікавы, беларусы працягваюць аддаваць перавагу чорнаму і беламу.

Аб гэтым сведчыць аналіз запытаў на Куфары. Усяго было апрацавана звыш 9 мільёнаў запытаў. З іх на мужчын прыпадае кожны трэці.

У палітры для выбару адзення на сайце прысутнічаюць адзінаццаць колераў. Акрамя класічных чорнага і белага, і такіх зразумелых як шэры, карычневы, сіні, блакітны, зялёны, чырвоны, можна выбраць бэжавы, ружовы і хакі.

Як паказаў аналіз, у тройку любімых колераў для жанчын увайшлі чорны, белы і бэжавы. Мужчыны аказаліся салідарнымі з жанчынамі толькі ў першых двух колерах. На трэцім месцы ў іх апынуўся сіні. У жанчын ён толькі на шостым месцы.

Прадстаўнікі абодвух палоў аказаліся салідарнымі і ў выбары колеру, які заняў чацвёртае месца. Ім стаў шэры.

Але нельга сказаць, што мужчыны застаюцца кансерватыўнымі. Бэжавы колер у іх апынуўся на пятым месцы і абышоў па папулярнасці хакі (шостае месца). Блакітны, карычневы і зялёны колеры ў мужчын карысталіся аднолькавай папулярнасцю. А вось радзей за ўсё моцная палова выбірала чырвоны і ружовы колеры.

Жанчыны традыцыйна праявілі сімпатыю да больш пастэльнай гамы колераў, аддаўшы больш сімпатыі блакітнаму, шэраму і ружоваму.

Чырвоны колер у жанчын, як і ў мужчын, апынуўся на перадапошнім месцы. Ну а на апошнім традыцыйна «мужчынскі» колер — хакі.

Чытайце яшчэ:

Модныя промахі, якія псуюць выгляд нават самых прыгожых мужчын. Паказваем на прыкладах беларусаў

Бяры прыклад! Дзесяць стылёвых беларусаў, вобразамі якіх можна натхняцца

Як расцягнуць джынсы, калі яны селі

«Сустрэць мужчыну з вышыўкай на рукавах — гэта нонсэнс». Што яшчэ мы не ведаем пра беларускі арнамент?

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Максим Дизайнер/адказаць/
10.12.2023
Черный, похоронный - 90%. Второй - цвета г*вна всех оттенков с китайских вещевых базаров и ТЦ из 90-х. Здесь даже личыць ничего не нужно. достаточно выйти на улицу.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера