Знайсці
08.12.2023 / 12:464РусŁacБел

МУС пахваліўся, што Інтэрпал аднаўляе супрацу з Беларуссю. Якія ёсць выпадкі выдачы грамадзян за апошні час?

Злодзеі, наркагандляры, арганізатар незаконнай міграцыі і злачынцы Другой сусветнай у полі зроку беларускага бюро Інтэрпала. Некаторымі падрабязнасцямі работы падзяліліся яго супрацоўнікі.

Фота: Rafael Henrique/SOPA Images/LightRocket via Getty Images)

Кіраўнік бюро Інтэрпала ў Беларусі палкоўнік Дзмітрый Мядзведзеў заявіў, што шэраг краін Еўрасаюза аднаўляюць супрацоўніцтва з Беларуссю, якое было пастаўленае на паўзу ў 2021 годзе, і прывёў некалькі прыкладаў супрацы з рознымі краінамі за апошні час. Інтэрвʼю з ім было апублікаванае газеце «На страже»

Схавалася ў Намібіі

Па словах Мядзведзева, у 2021 годзе атрымалася выйсці на след жанчыны, якая нанесла значную шкоду аднаму з прадпрыемстваў Беларусі. На працягу амаль 15 гадоў яна паспяхова хавалася, пакуль яе не знайшлі ў Намібіі. Пры садзейнічанні афрыканскіх калег фігурантку затрымалі за некалькі месяцаў да сканчэння тэрміну даўнасці, які існуе па здзейсненым ёй злачынстве. Супрацоўнікі беларускага інтэрпала правялі працэдуру яе экстрадыцыі.

Наркагандляры ў Іспаніі

У 2021 годзе беларускія аператыўнікі атрымалі інфармацыю пра групу наркагандляроў, якая дзейнічае на тэрыторыі Іспаніі. Пры садзейнічанні нацыянальных бюро абедзвюх краін была праведзена аперацыя «Маяк». У выніку былі затрыманыя тры грамадзяніна Літвы і два беларусы. У іх было канфіскавана больш за 200 кілаграмаў марыхуаны.

Арганізатар нелегальнай міграцыі

Так у лістападзе 2023 года ад чэшскага боку паступіла інфармацыя аб затрыманні грамадзяніна Беларусі, які знаходзіўся ў міжнародным вышуку. Гэты чалавек абвінавачваецца ў садзейнічанні нелегальнаму выезду замежнікаў у краіны ЕС. Цяпер вырашаецца пытанне аб яго экстрадыцыі.

Генацыд беларускага народа

Расказаў Мядзведзеў і пра вядзенне справы аб «генацыдзе беларускага народа ў гады Вялікай Айчыннай вайны». Па яго словах, садзейнічанне ў ёй аказваюць праваахоўнікі Аўстраліі, Германіі і Канады. Але збору інфармацыі перашкаджаюць дзве абставіны: выкарыстанне фальшывых дакументаў і смерць абвінавачваных.

Прастытутка па прымусе

Здараецца, што супрацоўнікі беларускага Інтэрпала ловяць не толькі злачынцаў, але і дапамагаюць людзям, якія патрапілі ў іх рукі. Як распавядаецца ў іншым матэрыяле выдання, пяць гадоў назад аператыўнікі адгукнуліся на зварот мінчаніна з просьбай дапамагчы яго жонцы.

Жанчына паляцела на Паўночны Кіпр працаваць танцоўшчыцай у клубе, яле там яе прымусілі займацца прастытуцыяй. Па просьбе Беларусі мясцовая паліцыя змагла забраць мінчанку з клуба і адправіла самалётам дахаты.

Чытайце яшчэ:

З Намібіі дэпартавалі беларуску, асуджаную ў свой час за махінацыі з палівам

Януковіча падалі ў вышук у Інтэрпол

НАУ перадало ў Міжнародны крымінальны суд дадатковыя дакументы, датычныя вывазу ў Беларусь украінскіх дзяцей

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Андрусь/адказаць/
08.12.2023
У Беларусі адсутнічае справядлівы суд. У месцах несвабоды актыўна ўжываюцца катаванні, бесчалавечае і прыніжальнае чалавечую годнасць абыходжанне. Зафіксаваныя выпадкі смерцяў ва ўстановах пенітэнцыярнай сістэмы. Вядомая вялікая колькасць выпадкаў, калі на палітычных праціўнікаў існуючай улады фабрыкаваліся крымінальныя справы з абвінавачваннямі ў агульнакрымінальных злачынствах. Суды праводзяцца ў закрытым рэжыме. Усіх суддзяў прызначае асабіста сваімі указамі грамадзянін лукашэнка, які незаконна пры дапамозе сілавікоў захапіў і ўтрымлівае ўладу. Колькасць толькі афіцына прызнаных палітвязнямі людзей трымаецца каля адзнакі 1500 чалавек пры тым, што многія палітзняволеныя ўжо вызваліліся, цалкам адбыўшы тэрміны палітычна матываваных прысудаў. І пры гэтым Інтэрпол аднаўляе супрацу з такім рэжымам?
ОСЦ і АПК павінны зрабіць тэрміновыя захады, каб не дапусціць гэтага. 
0
Кек/адказаць/
08.12.2023
Чарговыя запалохванні ад сілавікоў. Не вядзіцеся
0
Серб/адказаць/
08.12.2023
Это неправда. Интерпол остановил работу с лукашенковскими МВД. Пугают, что экстрадируют. Политических, людей, отказавшихся служить в войсках преступного лукашизма НИКОГДА не вернут.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера