Знайсці
07.12.2023 / 23:525РусŁacБел

Пачаўся беларуска-яўрэйскі анлайн-фестываль культурнай спадчыны

Цэнтр беларуска-яўрэйскай культурнай спадчыны з 7 да 15 снежня ладзіць беларуска-яўрэйскі фестываль, узяць удзел у якім анлайн можа кожны ахвотны з любога пункта свету.

«Мы, як і раней, падрыхтавалі для вас цудоўныя праекты ў калабарацыі з найлепшымі крэатыўшчыкамі, артыстамі і экспертамі. А яшчэ мы запускаем наш фірмовы мерч! Хай кожны стане часткай нашай аб'яднаўчай ніткі, не заўсёды бачнай — але моцнай, як канат», — прэзентуюць фестываль ягоныя арганізатары.

Сярод мерапрыемстваў фестывалю:

  • захапляльны квіз па беларускай і ідыш мовах;

  • спецыяльны паказ мультфільма «Shirey Mara» / «Песні Мары». Гісторыя-ўспамін пра яўрэйскі Мінск;

  • прэм'ера аўдыягіда па мястэчку Смілавічы;

  • прэм'ера сінгла «Культура». Артыстычнае пераасэнсаванне верша Мойшэ Кульбака 1917 года;

  • Май Данцыг. Першы выпуск пра савецкіх яўрэйскіх мастакоў Беларусі;

  • «Пра яўрэяў і селядзец» — традыцыя, рэцэпты, смак. Кулінарны ролік і артыкул пра «самы яўрэйскі прадукт»;

  • Ізраіль Басаў. Першы выпуск пра савецкіх яўрэйскіх мастакоў Беларусі.

Партнёрамі фестывалю пры правядзенні асобных мерапрыемстваў выступаюць ютуб-канал Мікіты Моніча, музей «Прастора Хаіма Суціна», Музей яўрэйскага народа ў Тэль-Авіве, Palina, выданне 34mag і іншыя.

«Падчас мінулых фестываляў мы надавалі ўвагу ханукальным стравам, адзначаючы, што фестываль праходзіць у дні свята. Але ўлічваючы ўсю разнастайнасць і багацце яўрэйскай кухні, настаў час раскрыць і іншыя кулінарныя традыцыі.

У гэтым годзе, разам з кандытарскай DaMaster, мы падрыхтавалі два класічныя ашкеназскія яўрэйскія дэсерты — бабку і ругелах. Гэтыя прысмакі былі вельмі папулярныя ў беларускіх мястэчках. У рамках фестывалю вы можаце замовіць іх у падарунак сабе або блізкім да 15 снежня ў Мінску!» — згадваюць пра дадатковы бонус арганізатары.

Далучыцца да мерапрыемстваў фестывалю можна тут.

Чытайце таксама:

Латкес: як яўрэйская страва запазычыла назву ад беларускіх аладак. І нашмат даўжэйшая гісторыя

Пагромы на Беларусі. Хто за імі стаяў

Беларусы замежжа пра тое, што можна пераняць у іншых краін. Частка 1: Іспанія, Польшча, Ізраіль, Літва, Нідэрланды

«Сяброўка з сабою ўзяла сякеру. Ва ўсім будзем разбірацца, калі Ізраіль пераможа». Беларусы ў Ізраілі пра вайну вачыма мясцовых

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
4
Рыгор/адказаць/
08.12.2023
Да 1939 беларусам пагражаў лёс палесцінцаў. Уратавала бяда.
0
Зохан/адказаць/
09.12.2023
А як жа салодкі бубалех і смачнейшы мохентохен? :)
09.12.2023
Алесь, лукашызм ужо зрабіў з беларусаў уцекачоў
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера