Знайсці
06.12.2023 / 19:517РусŁacБел

$12 мільёнаў за год! Сабаленка ў сусветным топе багатых спартсменак

Выданне Sportico апублікавала спіс спартсменак свету, якія ў 2023 годзе зарабілі найбольш грошай. У топ-10 рэйтынгу ўвайшлі адразу сем тэнісістак, сярод якіх і беларуска Арына Сабаленка.

Арына Сабаленка. Фота: Robert Prange/Getty Images

25-гадовая Сабаленка займае ў рэйтынгу шостае месца, яе гадавы даход складае 12,2 млн даляраў, з іх 8,2 млн прызавых.

Першае месца ў рэйтынгу займае 19-гадовая амерыканская тэнісістка Коры Гаўф (22,7 млн даляраў, з іх 6,7 млн прызавых), пасля ідуць 22-гадовая полька, таксама тэнісістка Іга Свёнтэк (21,9 і 9,9 млн даляраў адпаведна), 20-гадовая сноўбардыстка з Кітая Эйлін Гу (20 млн і 27 тыс. даляраў), 21-гадовая брытанская тэнісістка Эма Радукану (16,2 млн і 238 тыс. даляраў), 26-гадовая японская тэнісістка Наомі Асака (15 млн даляраў без прызавых).

З 7 да 10 месца размясціліся 24-гадовая тэнісістка з Казахстана Алена Рыбакіна (9,5 і 6 млн даляраў), 29-гадовая амерыканская тэнісістка Джэсіка Пегула (9 і 6 млн даляраў), 26-гадовая гімнастка з ЗША Сімона Байлз (8,5 млн даляраў без прызавых) і 25-гадовая амерыканская гальфістка Нэлі Корда (7,9 і 1,4 млн даляраў).

Варта адзначыць, што аўтары дадзенага рэйтынгу выкарыстоўвалі для разлікаў даходы спартсменак да вылічэння падаткаў.

Чытайце таксама:

Трэнер першай ракеткі свету: WTA дапусціла памылку, дазволіўшы ўдзельнічаць у турнірах расіянкам і беларускам

Сабаленка больш не першая. Свёнтак вяртае сабе званне першай ракеткі свету

Арына Сабаленка запатрабавала павялічыць ёй заробак

Серэна Уільямс выразала з сумеснай фатаграфіі Арыну Сабаленка

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Андрусь/адказаць/
07.12.2023
Пры ўсёй непавазе да Сабаленкі радуе адзінае - яна з'яўляецца падаткавай рэзідэнткай ЗША, а таму лукашэначке з яе прызавых нічога не перападзе
0
Максим Дизайнер/адказаць/
07.12.2023
Самая красивая девочка в РБ. Вместе с Оленькой Хиженковой. Conte, верни Олю обратно на колготки!Раньше к вашим стойкам в магазинах, как на выставку ходил!Ни одной не пропускал. Или пригласите Ариночку в качестве амбассадора. На текущую картину смотреть невозможно. Нет никакой души, клуша какая-то домашняя.
0
гоблен/адказаць/
09.12.2023
Асмолак, :))) тренеруйтесь, работайте над собой, как она, и будет вам щастие, неудачники со стажем почти треть столетия
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031