Знайсці
05.12.2023 / 10:4948РусŁacБел

Праз 17 гадоў жыцця ў Літве беларуса пазбавілі дазволу на жыхарства, разлучылі з сямʼёй і загадалі вярнуцца ў Беларусь

Беларус Аляксей пражыў у Літве 17 гадоў. У канцы лістапада 2023 года яму прыйшлося кінуць жонку і дваіх непаўналетніх дзяцей, бо яго пазбавілі віду на жыхарства ў Літве. Дэпартамент дзяржбяспекі Літвы (ДДБ) вырашыў, што мужчына ўяўляе пагрозу для Літвы, паколькі 20 гадоў таму служыў у беларускім войску. Дэпартамент міграцыі зазначае, што ў такіх выпадках тэрмін, праведзены ў Літве і наяўнасць сямʼі не зʼяўляюцца важкім аргументам для таго, каб чалавек застаўся ў Літве. Яго гісторыю распавядае Delfi.

Жонка высланага ў Беларусь мужчыны Яніна (сапраўднае імя рэдакцыі вядома) расказала выданню, што яе муж жыў у Літве з 2006 года. Тады пара ажанілася, у яе нарадзіліся двое дзяцей. Дзеці, як і Яніна, грамадзяне Літвы. У Аляксея быў часовы від на жыхарства, які ўвесь час падаўжалі. У лютым гэтага года скончыўся тэрмін дакумента, Аляксей у звычайным парадку звярнуўся за працягам дакумента.

Адказу прыйшлося чакаць 9 месяцаў, а калі ён быў атрыманы, сямʼя была ў шоку — на аснове высноваў ДДБ Дэпартамент міграцыі не працягнуў від на жыхарства, Аляксея прызналі пагрозай нацбяспекі Літвы. «30 месяцаў ён не зможа прыехаць у Літву», — расказала Яніна. У дэпартаменце Аляксея запрасілі ў кабінет, раздрукавалі рашэнне і сказалі, што ён неадкладна павінен выехаць у Беларусь.

«Прыехалі памежнікі і на машыне з гэтым дакументам адвезлі на мяжу», — распавяла жанчына. Яна была ўражанай. Яе мужу не далі ні падрыхтавацца, ні сабрацца, ніхто не чакаў абскарджання рашэння.

Цяпер ён жыве там у бацькоў. «Ён у шоку, у поўным шоку. Паўжыцця пражыў тут, тут яго сямʼя», — кажа Яніна.

У адказе Дэпартамента міграцыі, з якім азнаёміўся Delfi, сказана, што ў 2000—2002 гг. мужчына служыў у беларускім войску, а ў 2003—2004 гг. служыў па кантракце, значыць «павінен быць лаяльным грамадзянінам Беларусі, які падтрымлівае яе ўладу і агрэсіўную знешнюю палітыку».

Дэпартамент міграцыі ўказаў: ДДБ лічыць, што Аляксеем могуць скарыстацца для выканання розных задач спецслужбаў.

«Ён працаваў простым памежнікам — паднімаў і апускаў шлагбаўм, можна так сказаць», — запэўнівае Яніна.

Паводле яе слоў, увесь час у Літве Аляксей выконваў простую працу — быў кладаўшчыком. «Амаль увесь час тут ён працаваў, яго стаж 16 гадоў», — дадала жанчына.

Дэпартамент міграцыі ўказаў, што нягледзячы на ​​тое, што Аляксей жыве ў Літве з 2006 года, а з 2005 жанаты з грамадзянкай Літвы і выхоўвае дваіх непаўналетніх дзяцей, працуе, усё ж на падставе высноў ДДБ было прынята рашэнне адмовіць яму ў відзе на жыхарства з меркаванняў бяспекі.

У рашэнні таксама пазначана, што Аляксей жыве ў Літве, але часта ездзіць у Беларусь. «Зыходзячы з гэтага, можна зрабіць выснову, што іншаземец не разарваў сацыяльныя сувязі з Беларуссю, а гэта павышае рызыку давання інфармацыі і супрацоўніцтва з беларускімі службамі», — сказана ў рашэнні.

«Чаму чалавек не можа ездзіць да бацькоў? Так, мы раней амаль кожныя выхадныя ездзілі, да пандэміі. Там не толькі яго бацькі жывуць, там пахавана мая маці, мы не ездзім туды проста так», — сказала Яніна.

Дэпартамент зазначыў, што Аляксей не прэтэндаваў на пастаянны від на жыхарства і на грамадзянства, што расцаніў, як факт «недастатковай інтэграцыі ў літоўскае грамадства і тое, што чалавек не звязвае з Літвой сваю будучыню».

Па словах Яніны, Аляксею зрабілі заўвагу і з-за невялікага заробку.

Чытайце таксама:

У Сейме Літвы зарэгіструюць папраўкі да закона, якія абмяжоўваюць магчымасці беларусаў жыць у краіне

«Мы назіраем ​​беспрэцэдэнтную актыўнасць беларускіх спецслужбаў». Кіраўнік ДДБ Літвы выступіў за ўніфікацыю санкцый да беларусаў і расіян

«Ёсць новыя абставіны». МУС Літвы прапануе вярнуцца да пытання ўніфікацыі санкцый у адносінах да беларусаў і расейцаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Home security danger/адказаць/
06.12.2023
Azoulas, конечно. Хозяин - барин. За последний год свернулось 37% белорусских компаний, и , я думаю, это только начало.После 20-го года Литва активно переманивала белорусское IT, но больше не хочет, окей. Варианты есть. Но - почему бы не сделать это нормально, без всякой шпиономании. И не трогая тех, кто имеет семьи и уже десятилетиями живет в Литве.
А остальным - ну, аннулируйте ВНЖ в разумные сроки, чтобы люди, которым грозит за политику в Беларуси тюремный срок, могли спокойно выехать из Литвы туда, где они смогут спокойно жить, работать и платить налоги.

06.12.2023
[Рэд. выдалена]
06.12.2023
Дэбилы бл,,,
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера