Знайсці
01.12.2023 / 18:399РусŁacБел

Маркетплэйс Ozon не справіўся з «чорнай пятніцай»

Многія беларускія карыстальнікі скардзяцца на занадта доўгае чаканне сваіх пакупак з маркетплейса Ozon. Як пішуць чытачы ў рэдакцыю партала Tochka.by, яны ўжо стаміліся чакаць сваіх замоў.

Фота ілюстрацыйнае

«Замовіў тавар 20 чысла, пераносілі дастаўку чатыры разы. Робім стаўкі, колькі яшчэ будуць пераносіць».

«Некалькі разоў пераносілі дастаўку. Сёння зноў прыйшло паведамленне, што тэрмін прывозу перанесены, ужо на 7 снежня».

Скрыншот дасланы чытачом Tochka.by

Адзін чытач даслаў фота сваёй замовы з каментаром: «Вось так OZON дастаўляе тавары. Пасля затрымкі прыйшла разарваная скрынка. Балазе, настольная лямпа цэлая. Упершыню з такім сутыкаюся».

Фота даслана чытачом Tochka.by

Камусьці пашанцавала яшчэ менш: «Пасля неаднаразовага пераносу прыйшло паведамленне аб адмене замовы. Грошы абяцаюць вярнуць, але справа не ў гэтым, проста навошта тады прымаць замову, калі не гатовыя выканаць».

Скрыншот прысланы чытачом Tochka.by

«Спярша пераносілі, а пасля адмянілі, грошы вярнулі адразу».

Ва ўсім вінаватая «чорная пятніца»

Раней у прэс-службе Ozon пракаментавалі Tochka.by сітуацыю з масавымі скаргамі на дастаўку тавараў.

«У перыяд лістападаўскіх распродажаў мы атрымліваем у некалькі разоў больш замоў, чым звычайна, таму ў асобных выпадках тэрміны дастаўкі могуць павялічвацца — мы заўсёды інфармуем кліентаў аб тым, што тавары затрымліваюцца», — растлумачылі ў кампаніі.

Таксама там адзначылі, што, нягледзячы на гэта, яны, маўляў, імкнуцца трымаць высокі паказчык дастаўкі нават у пік сезону: у лістападзе 8 з 10 кліентаў у Беларусі атрымалі свае замовы ў тэрмін.

Уласна, на 1 снежня сітуацыя з дастаўкай не змянілася. Як гэтым разам удакладнілі ў кампаніі, «чорная пятніца» скончылася зусім нядаўна, таму некаторыя затрымкі яшчэ ўзнікаюць, але абяцаюць сітуацыю неўзабаве выправіць.

«Узмацняем склад у Мінску, прыцягваем дадатковых работнікаў», — дадалі ў Ozon.

У мінулым годзе многія карыстальнікі маркетплэйса таксама скардзіліся ў канцы лістапада і пачатку снежня на аналагічную сітуацыю з дастаўкай тавараў.

Чытайце таксама:

Да Калядаў: 25 адвент-календароў на любы густ і бюджэт

Тавары для беларусаў на Ozon і Wildberries абклалі двайным падаткам

Пракуратура знайшла «экстрэмісцкую прадукцыю» ў асартыменце Ozon і Wildberries

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Вольга /адказаць/
02.12.2023
Балазе - гэта адно са словаў-маркераў для вызначэння расейскіх акупантаў нашай краіны.
0
Максим Дизайнер/адказаць/
03.12.2023
Хирург

Предлагаешь, как ты, на базаре всю жизнь одеваться?Или каждый раз, 3 раз в месяц, в Польшу за курткой, туалетной бумагой и ершиками мотаться?
0
Максим Дизайнер/адказаць/
03.12.2023
Бондаревна,

Правильно. Оставить одни Амазоны с Алиэкспрессами. 2 недели в одну сторону, две в другую, если пара обуви не подошла. И так 5 раз. Покупку зимних ботинок начинать летом, чтобы к зиме нужная пара доехала. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера