Знайсці
28.11.2023 / 20:578РусŁacБел

Mark Formelle зняла кліп з «азіяткай у ніжняй бялізне» і выклікала палкую дыскусію

У чарговай рэкламе ніжняй бялізны ад кампаніі Mark Formelle у кліпе знялася мадэль азіяцкай знешнасці. Гэты ролік з'явіўся ў адкрытым доступе ў інстаграме. Многія карыстальнікі ацэньвалі выключна прадукцыю фірмы. Хтосьці прызнаўся, што нават не звярнуў увагу на дзяўчат. Але знайшліся і такія, каму не спадабалася, што на кадрах актрыса, не адпаведная вобразу тыповай беларускі. Агульны ход дыскусіі прасачыла Blizko.by. 

Скрыншот з відэа

«Няўжо ў Беларусі прыгожыя дзяўчаты скончыліся?» — запытаўся адзін карыстальнік. Іншая таксама задаецца пытаннем: «Як можна прывіваць дзецям патрыятызм, калі нават беларускія трусы рэкламуюць азіяты?»

Але такія погляды атрымалі масавы адпор:

  • «Папахвае расізмам».
  • «Якая розніца?»
  • «Прабачце, а калі выказаць здагадку, што дзяўчына на відэа — беларуска? Напрыклад, яе мама-беларуска выйшла замуж за замежнага студэнта, які прыехаў у Беларусь вучыцца, а затым у іх нарадзілася дачка ў Беларусі? Атрымліваецца, што дачка — народжаная беларуска».
  • «Патрыятызм не мае нічога агульнага з нелюбоўю да азіятаў. Беларусы — частка групы ўсходніх славян, у кожнага другога мама ці тата казах, грузін і іншае. Беларус — гэта не абавязкова блакітнавокі бландын».
  • «Згодная. У дачкі ў садку аднагрупнік хлопчык, мама кітаянка, а тата беларус».
  • «А патрыятызм і тым больш яго прышчапленне ну ніяк не залежыць ад нацыянальнасці».

Прадстаўнікі Mark Formelle адпісаліся, што, па-першае, усе ўдзельніцы кліпа — беларускі. А па-другое, дзецям трэба прывіваць не толькі патрыятызм, але і міжнацыянальную талерантнасць. Асабліва ўлічваючы тое, што ў Беларусі жывуць (і называюць сябе беларусамі) прадстаўнікі самых розных рас.

Зрэшты, пераважная большасць карыстальнікаў ацаніла кліп са знакам плюс і адзначылася захопленымі каментарамі. 

Чытайце таксама:

Mark Formelle выпусціў новыя «беларускамоўныя» шкарпэткі

Кампанія Mark Formelle прадставіла вобразы для спатканняў і абурыла падпісчыкаў

Mark Formelle зрабіў рэкордную карціну са шкарпэтак

Mark Formelle прэзентаваў шкарпэткі з цытатамі з «Песняроў»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
ПЯТРО/адказаць/
29.11.2023
Это таец )
29.11.2023
> Прадстаўнікі Mark Formelle адпісаліся, што, па-першае, усе ўдзельніцы кліпа — беларускі
voś z hetaha prosta vypaŭ, lepš by maŭčali
čaho jašče čakać ad "brendaŭ"...
29.11.2023
норм street meat, шо вам на нра?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера