Знайсці
02.12.2023 / 17:3616РусŁacБел

Пачаўся захоп папулярных лакальных медыя. Іх перадаюць рэдакцыям дзяржСМІ

Вядомыя некалькі такіх выпадкаў. Захапілі даволі вялікія рэсурсы.

Калаж «Нашай Нівы»

Дакладна вядома пра тры выпадкі — рэзкія змены ў тэлеграм-канале «Наш родны край Лагойск», захоп інстаграм-канала «Стоўбцы Сіці» і змена ўладальніка рэсурса kraj.by.

«Наш родны край Лагойск» змяніў шыльду з «Лагойск (не) афіцыйна» 19 кастрычніка 2023 года. У канале з'явілася паведамленне пра тое, што на арыгінальным канале знайшлі «экстрэмісцкія матэрыялы», таму на яго базе створаны «новы канал», які не мае нічога супольнага са старым. 

Усе допісы з яго былі выдаленыя. Цяпер на ім проста цытуюцца афіцыйныя паведамленні і допісы чарнасоценнай «Мінскай праўды». Адметна, што мясцовая раёнка называецца «Родны край». Невядома, ці канал захоплены, ці проста ранейшых аўтараў «нармалізавалі».

Паведамленне з каналу «Наш родны край Лагойск» 

Падобнае адбылося і з інстаграм-старонкай «Стоўбцы Сіці», якая мае больш за 10 тысячаў падпісантаў. Цяпер яе вядуць супрацоўнікі «Мінскай праўды». Скрыншот выклала ў сябе «кіберказачка» Вольга Бондарава.

Яшчэ адзін прыклад — папулярны непалітычны рэсурс kraj.by, які піша пра навіны заходняй часткі Мінскай вобласці, трохі закранаючы Гродзеншчыну і Віцебшчыну. Існаваў ён з 2011 года, а з 2019-га быў афіцыйна зарэгістраваны як СМІ.

З лета 2023-га рэквізіты на сайце моўчкі змяніліся на рэквізіты «Мінскай праўды». Аніякіх паведамленняў пра гэта не было, але, імаверна, цяпер яго таксама вядуць журналісты гэтага выдання. Невядома, на якіх умовах дзяржСМІ атрымалі рэсурс, па ўсім відаць, проста забралі з дапамогай ціску зверху.

Рэквізіты на сайце край.бай на сакавік 2023-га і на 3-га жніўня 2023-га. Скрыншот з сайту web.archive.org

Падобна, што «Мінская праўда» з дапамогай сілавых структураў вырашыла падмяць пад сябе ўсе медыя Мінскай вобласці — як дзяржаўныя, гэтак і недзяржаўныя.

«Наша Нiва» — бастыён беларушчыны

ПАДТРЫМАЦЬ

Чытайце таксама:

«Нас не запугать». Вось хто ствараў пралукашэнкаўскія стыкерпакі ў тэлеграме

«Усе пракладачныя высеркі». Раскрылі, хто вядзе адзін з самых брудных каналаў лукашысцкай прапаганды

Міліцэйскі тэлеграм-канал, дзе публікуюць відэа з рэпрэсаванымі, выпадкова выдаў сваіх адмінаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
даведка /адказаць/
03.12.2023
Не обязательно смотреть, можно слушать фоном и смеяться с навязчивых мыслей Эйсмонта, которые одолевают постоянно его из выпуска в выпуск на протяжении последних лет... Из-за чего эти выпуски превращаются в полуторачасовые нудные ночные посиделки, записываемые днём пятницы. Хотя тут плакать надо и обеспокоиться ментальным здоровьем бывшего милиционера Эйсмонта... Они ведь сейчас в Беларуси едва доживают до сорока с лишним и умирают в год своей 25-й выслуги, когда служебную квартирку подходит пора оформлять в личную собственность.
03.12.2023
даведка ,в глазах Лукашенко, любое медиа пусть даже с мало-мальским количеством подписчиков, кажется перспективным источником инфы, влияющей на его власть в будущем. Причем, он боится  только только тех, которые видит. 
А если ему допустить, что возникнут новые, более продвинутые, учёвшие ошибки и недостатки прошлых? У него напрочь сон пропадет и бошка в приступе тремора оторвется нафиг!!!)))
0
война/адказаць/
03.12.2023
30 летняя борьба с беларусами и беларуским, по переделыванию их в иванов безродных России...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031