Знайсці
28.11.2023 / 08:103РусŁacБел

Новы ўрад Маравецкага ўжо прынёс прысягу перад прэзідэнтам Польшчы. Але ёсць адно істотнае але

У панядзелак у Прэзідэнцкім палацы ў Варшаве чальцы новага ўрада Матэвуша Маравецкага, якому пасля выбараў прэзідэнт Анджэй Дуда даручыў місію фармавання новага ўрада, прынеслі прысягу перад прэзідэнтам, паведамляе Польскае радыё.

Цырымонія прыняцця прысягі перад прэзідэнтам Польшчы. Матэвуш Маравецкі — крайні злева. Фота: Czarek Sokolowski / AP

Прэзідэнт Анджэй Дуда падкрэсліў, што новы ўрад складаецца ў асноўным са спецыялістаў, якія да гэтага часу займаліся практыкай: «Знаю вас як экспертаў. Сёння вы бераце на сябе надзвычай адказныя палітычныя функцыі ў кіраванні польскімі справамі. Шчыра вам за гэта дзякую. Гэта надзвычай важна задача», — сказаў прэзідэнт.

У новым урадзе Марыюш Блашчак застанецца на пасадзе кіраўніка Міністэрства нацыянальнай абароны.

Новым міністрам развіцця і тэхналогій стане Марлена Малёг. Міністэрства замежных справаў узначаліць Шыман Шынкоўскі вэль Сэнк, а працай Міністэрства юстыцыі будзе кіраваць Марцін Вархал. Міністрам аховы здароўя стане Эва Краеўска, міністрам сельскай гаспадаркі і развіцця вёскі — Анна Гембіцка, міністрам адукацыі і навукі — Кшыштаф Шчуцкі, а кіраўніком МУС — Павел Шэфернакер.

Цяпер прэмʼер-міністр мае два тыдні на тое, каб прадставіць праграмную прамову і атрымаць вотум даверу ў Сейме. Але вотуму акурат і не будзе, паколькі апазіцыйная кааліцыя прагаласуе супраць, тады новага прэмʼер-міністра будзе выбіраць Сейм.

Кандыдатам ад апазіцыйнай парламенцкай большасці на згаданую пасаду з’яўляецца былы прэм’ер Дональд Туск.

Чытайце таксама:

«Улады так спадзяваліся на «перазагрузку» з Варшавай пасля выбараў, але выглядае, што дарэмна»

Лідары польскай апазіцыі падпісалі кааліцыйнае пагадненне

«Гэта словы вельмі, вельмі значныя». Дональд Туск перад зваротам да польскага прэзідэнта ўспомніў пра твіт беларуса Слюнькіна

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
Свабодны чалавек/адказаць/
28.11.2023
Марнуюць час і хаваюць дакументы?
1
Бобр /адказаць/
28.11.2023
Сейчас идёт занижение курса злотого. Уже 4.33 к евро а был до выборов 4.72 .Власть имеющие выбирают кредиты,
1
Янек/адказаць/
28.11.2023
Бобр , не правда. Никогда такого курса не было. Не трынди, лукатроль.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера