Знайсці
25.11.2023 / 12:376РусŁacБел

«Байсол» у 2022-м перадаў рэпрэсаваным каля 2 мільёнаў еўра, цяпер ідзе збор дзецям палітвязняў

Цяпер фонд заканчвае выплаты ў рамках марафону салідарнасці «Нам не ўсё роўна!».

Андрэй Стрыжак

Агульная сума ахвяраванняў, якія фонд салідарнасці «Байсол» прыцягнуў ад прыватных і інстытуцыйных донараў для дапамогі рэпрэсаваным у 2022 годзе, склала каля 2 млн еўра, паведаміў 24 лістапада «Позірку» сузаснавальнік арганізацыі Андрэй Стрыжак.

Паводле яго слоў, цяпер фонд заканчвае выплаты ў рамках марафону салідарнасці «Нам не ўсё роўна!» («Байсолу» даручана размеркаваць 100 тыс. еўра), які прайшоў летам 2023-га, і рыхтуецца да правядзення аўдыту па выкарыстанні гэтых сродкаў.

«У нас засталося каля 13 тыс. еўра, мы закрыем яшчэ 26 заявак, — сказаў Стрыжак. — Мы робім разавыя выплаты вызваленым і цяперашнім палітвязням, а таксама іх сем’ям сумай 500 еўра. Пасля таго, як усе выплаты будуць зробленыя, а аўдыт праведзены, пачнем разглядаць варыянты для запыту наступнага траншу, таму што да нас пастаянна звяртаюцца людзі».

Як адзначыў сузаснавальнік «Байсол», фонд таксама актыўна займаецца пытаннямі адаптацыі эвакуяваных з Беларусі. «Гэта акрамя таго, што мы фізічна эвакуіруем людзей», — удакладніў Стрыжак.

«Створаная спецыяльная платформа, на якой людзі могуць знайсці адказы на найбольш распаўсюджаныя пытанні аб тым, як ім уладкавацца ў новай краіне, легалізавацца і, наогул, як жыць», — падкрэсліў ён.

Прадстаўнік фонду паведаміў «Позірку» аб распачатым зборы заявак на атрыманне матэрыяльнай дапамогі ў рамках каляднай акцыі «Падорым дзецям цуд!». Паводле яго слоў, збор праводзіцца да 9 снежня, на сёння заяўкі падалі 115 сем’яў палітвязняў, якія выхоўваюць дзяцей, акумулявана ўжо больш за 10 тыс. еўра.

«Традыцыйны збор, які праходзіць трэці раз, з 2021 года, — адзначыў Стрыжак. — Мы збіраем заяўкі ад сем’яў палітвязняў паводле прынцыпу «адна заяўка — адно дзіця» з разліку 100 еўра за кожную заяўку».

«Байсол» не купляе падарункі, падкрэсліў суразмоўца, «лічым, сям’я лепш ведае, што больш трэба дзіцяці: зімовыя чаравікі, вітаміны, або сюрпрыз пад елку».

Паводле яго слоў, у папярэднія гады фонд атрымліваў у сярэднім 200—250 заявак і прыцягваў 20—25 тыс. еўра.

Стрыжак паведаміў, што да акцыі далучылася мастачка Вольга Якубоўская «са сваімі коцікамі» (мастачка малюе карціны, галоўнымі персанажамі якіх з’яўляюцца каты, якія сталі адным іх сімвалаў пратэстаў беларусаў у 2020 годзе). Суразмоўца ўдакладніў, што Якубоўская выставіла адну са сваіх карцін на аўкцыён у рамках выставы, адкрытай беларускай дыяспарай у Італіі.

«Аўкцыён заканчваецца 25 лістапада, на дадзены момант найвышэйшая стаўка за карціну складае тысячу еўра, — сказаў Стрыжак. — Акрамя таго, нядаўна эвакуяваны «Байсол» моўны інспектар» Ігар Случак выставіў на аўкцыён досыць рэдкі калекцыйны блок марак, прысвечаны карціне «Ева» Хаіма Суціна. Цяпер гэты блок на аўкцыёне, які працягнецца да 26 лістапада, прадаецца за 230 еўра».

Стрыжак нагадаў, што фонд працуе з лакальнымі ініцыятывамі, як унутры Беларусі, так і за яе межамі.

«Не так даўно ў нас прайшоў конкурс міні-грантаў. Мы раздалі 50 тыс. еўра на рэалізацыю праектаў беларускай накіраванасці. Цяпер рыхтуем разгорнутую адкрытую справаздачу аб тым, якія заяўкі былі пададзеныя і падтрыманыя і будзем рабіць інфаграфіку», — распавёў сузаснавальнік BySol.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
0
Ого
1
Сумна
0
Абуральна
1
2
Крынжак/адказаць/
25.11.2023
Як можна пісаць, што гэты фонд перадаў рэпрэсаваным каля 2 міл'ёнаў, калі чорным па белым напісана "агульная сума ахвяраванняў - каля 2 міл'ёнаў"!
Ці вы думаеце, што гэтыя шчырыя вочы працуюць for free? Колькі ён вам заплаціў за такія артыкулы?

https://d367rzjs5oyeba.cloudfront.net/330939

26.11.2023
Дык што? Я так разумею, што калі маё пытанне не апублікована, то той справаздачы еўрапейскай аудытарскай кампаніі не існуе, а каментар самі "на дурня" запілілі?
0
Максим Дизайнер/адказаць/
27.11.2023
Звярніся да лукі

Это как вы в Варшаве?На беларуские ОЙтишные конторы, или вообще на вырученные от льготной хатки второй год праздновать не можете остановиться?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930