Знайсці
05.11.2023 / 18:3512РусŁacБел

Саладуха пра затрыманне Грыбалёвай: А яе за што? Дай Бог, каб усё было добра

Блогер Андрэй Павук патэлефанаваў спеваку Аляксандру Саладуху і спытаў, што той думае пра затрыманні калег па сцэне.

Аляксандр Саладуха. Фота: інстаграм спевака

Размову з артыстам блогер апублікаваў у «Шухер-шоу» на канале «Белсат».

Павук спытаў Саладуху, ці чуў ён пра апошнія кепскія навіны. Той здзівіўся: усё ж добра — у яго канцэрты, сёмая прымерка касцюма ад аднаго і таго ж майстра.

Блогер распавёў артысту, што днямі затрымлівалі (а пасля адпусцілі) спявачку Ларысу Грыбалёву.

«Першы раз чую, што, сур’ёзна? — адказаў Саладуха. — А яе за што?»

«Госпадзі, госпадзі. Дай Бог, каб усё было добра», — паспачуваў Саладуха.

Павук расказаў яму навіны і пра Tor Band — музыкам нядаўна далі ад 7,5 да 9 год калоніі.

«А хто такі Tor Band?» — не зразумеў Саладуха.

Павук нагадаў самую вядомую песню гурта з радкамі «мы не быдло, не стадо, не трусы».

«Не чуў такой песні», — адказаў Саладуха.

Зрэшты, і пра «Ноч расстраляных паэтаў» у памяць аб забітых дзеячах культуры ў ноч з 29 на 30 кастрычніка 1937 года ён нічога не чуў.

«Расстралялі наш цвет нацыі», — заўважыў Павук.

«Дзе — у Расіі ці Беларусі? — перапытаў спявак. — Не ведаў і не чуў, дый і не чытаў».

А далей пахваліўся, што ў яго «мора заказаў, краіна разрывае на шматкі». «Не, напэўна, ёсць людзі, якія скардзяцца, якія плачуць, якім цяжка». Ім Саладуха раіць верыць у сябе і працаваць з ранку да ночы.

Ці падтрымлівае ён вайну Расіі супраць Украіны, Саладуха адказваць не стаў, пачаў круціцца.

«Са слоў і нашага прэзідэнта, і прэзідэнта Расіі ведаю, што апярэдзілі, бо павінны былі нанесці ўдар з боку Украіны па Расіі», — знайшоў тлумачэнне.

А пасля сказаў, што ў яго асабіста «ўсё супер, усё добра».

«Я жыву ў цудоўнай шыкоўнай краіне. За сумленна заробленыя грошы, сумленна плацячы падаткі. Я пабудаваў раскошны дом са сваёй сям’ёй». 

«Не выходзьце баставаць, маніфеставаць, не трэба. Трэба шчыраваць і працаваць кожнаму на сваім месцы ў сваёй галіне», — параіў Саладуха.

І дадаў, што яму ніхто не забараняе пець.

Чытайце таксама:

Што трэба ведаць пра гурт Tor Band — музыкаў, якіх пакаралі жахлівымі тэрмінамі за іх хіты

Музыкантам Tor Band вынеслі суровыя прысуды. Яўген Бурло падчас абвяшчэння прысуду не змог устаць

Усё нармальна, мама? Пяць фактаў пра Ларысу Грыбалёву

Ларыса Грыбалёва паведаміла, што яна дома. ГУБАЗіК змяніў свой допіс

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
9
Панылы сорам
58
Ха-ха
5
Ого
1
Сумна
5
Абуральна
42
0
Железный Дровосек/адказаць/
06.11.2023
Боже,яко воно кончено
0
А хто гэты лысы дзядуля са штучнымі зубамі?/адказаць/
06.11.2023
очынь харяшоу з беларусау паимеу
0
умка/адказаць/
07.11.2023
вы еще там т.н. золотую рыбку копните
и прочих "святых"

я немного косвенно про их святость таки заю
рэд. не размещает пока
стыдно наверное ему)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930