Знайсці
09.10.2023 / 09:329РусŁacБел

Гісторык: Палесцінскія тэрарысты — гэта тыя ж «палітыкі з яйцамі», якіх мы бачым у сваім рэгіёне

Гісторык Аляксандр Пашкевіч разважае ў сваім фэйсбуку з нагоды палесцінска-ізраільскага канфлікту і знаходзіць паралелі з нашым рэгіёнам.

Лідар ХАМАС Ісмаіл Ханія. Фота: Hassan Ammar / AP

«Цікава, што ў маёй стужцы застаюцца вельмі нешматлікія людзі, але яны ўсё ж ёсць, якія мараць пра тое, што некалі ў Ізраілі прыйдуць да ўлады «прапалесцінскія» палітыкі, якія задаволяць усе патрабаванні палесцінцаў, і пасля таго там нарэшце настане мір. Ну а так дзе ж яму настаць, калі Ізраіль лапкі не складае і замест няўцямнага мямлення, што «ўсе людзі браты», адказвае ўдарам на ўдар?

Насамрэч жа трэба глядзець праўдзе ў вочы: палесцінскія тэрарысты — гэта тыя ж «палітыкі са стальнымі яйцамі», якіх мы ва ўсёй красе ўжо шмат гадоў назіраем у нашым рэгіёне.

Іх погляды і на пажаданую ўнутраную пабудову грамадства, і на дзейнасць на міжнароднай арэне нічым не адрозніваюцца ад нашых «стальнаяйцавых». Нездарма ж і за іх спінай стаяць тыя самыя рэжымы, якія з нашымі «стальнаяйцавымі» цудоўна ўжываюцца і ўсяляк узаемна адно аднаму спрыяюць. Свае таму што, а крумкач крумкачу вока не выдзеўбе.

Да якіх вынікаў прыводзіць сітуацыя, калі «палітыкам са стальнымі яйцамі» доўгі час «супрацьстаялі» (а на самай справе патуралі) «палітыкі без яец» (тэрміналогія ўсюды не мая аўтарская), мы таксама можам бачыць на прыкладзе нашага рэгіёна. Ні да якога міру гэта не прывяло, а якраз такі наадварот.

І цяпер мы самі наракаем ды праклінаем заходнія эліты, што іхнія органы недастаткова налітыя сталлю і прынамсі некаторыя з якіх спрабуюць хоць бы неяк залагодзіць Пуціна (і Лукашэнку), замест таго каб выкарыстоўваць адзіную мову, якую ён разумее і хай з неахвотай і нянавісцю, але паважае — мову сілы. Прытым некаторыя асуджаюць «пуцінферштэераў», адначасова з'яўляючыся «хамасферштэерамі».

Ізраіль жа — акурат найбольш характэрны прыклад таго, як дзеянні «палітыкаў з яйцамі» дзесяцігоддзямі мэтанакіравана і свядома натыкаюцца на супрацьдзеянні іншых «палітыкаў з яйцамі». Цвёрда ўпэўненых — і думаю, што цалкам слушна, — у тым, што калі іх што і абароніць, то гэта дакладна не «прекраснодушные» рэзалюцыі імпатэнтнай Рады бяспекі ААН. Да міру гэта таксама не прывяло, канешне, але не дапусціла і «скідання ў мора» Дзяржавы Ізраіль. 

Пра «хамасферштэераў» жа добра сказаў яшчэ ў XIX стагоддзі Марк Твен: 

«Індзеец Джо абвінавачваўся ў забойстве пяці жыхароў горада, але што ж з таго? Будзь ён самім д'яблам, знайшлася б дастатковая колькасць слабавольных людцаў, гатовых падпісацца пад петыцыяй аб яго памілаванні і капнуць на яе адну слязіну са сваіх шматводных запасаў».

Чытайце таксама:

Другі дзень палесціна-ізраільскага канфлікту: амаль тысяча загінулых і тысячы параненых

«Дзеянні палесцінцаў — гэта перамога Масквы і Мінска». Што пра падзеі ў Ізраілі пішуць лукашэнкаўскія СМІ

Палесцінскія баевікі заявілі, што захапілі ў палон больш за 130 ізраільцян

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
57
Панылы сорам
4
Ха-ха
4
Ого
3
Сумна
2
Абуральна
5
0
Вероятный/адказаць/
10.10.2023
Стары Запавет, вядома ж, дзейнічае спакон вякоў. Але, як бачым з артыкула, лявацтву гэта моцна не падабаецца. Бо здаровы сэнс, які практыкуецца, скасоўвае ўсе іхнія прэтэнзіі на правадырства. 
1
В этом мире так: Кто умнее тот и прав/адказаць/
11.10.2023
Индеец Джо на своей земле и может бороться против белых пришельцев (живущими по принципу: у сильного всегда бессильный виноват) из-за моря всеми доступными ему средствами.
История и Туата Де Дананн на стороне индейца Джо…
3
Влад/адказаць/
13.10.2023
2 млн палестинцев и все террористы? Сейчас происходит самый настоящий геноцид по уничтожению мирного населения Газы!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930