На Магілёўшчыне 11-гадовы хлопчык пакаштаваў каўстычную соду, а 4-гадовы — сродак ад грызуноў
У абодвух выпадках дзяцей, дзякуй богу, удалося выратаваць.
Фота: Дзяржаўны камітэт судовых экспертыз
У пачатку верасня ў педыятрычнае аддзяленне Слаўгарадскай бальніцы трапіў 11-гадовы хлопчык з дыягназам «хімічны апёк слізістай абалонкі рота», паведамляе Дзяржаўны камітэт судовых экспертыз.
Высветлілася, што дзіця, калі прыйшло са школы, было адно дома і пачула нейкі гук — нібыта з гаспадарчай пабудовы. Хлопчык пайшоў праверыць. Ён залез унутр — там увагу прыцягнула пластыкавае вядро, якое ён адкрыў і ўбачыў белае рэчыва.
Падумаўшы, што гэта цукар, хлопчык узяў яго на палец і лізнуў — адразу адчуў гарачыню ў роце і выплюнуў, потым прамыў рот вадой. Праз некаторы час бацькі адвезлі яго ў бальніцу, дзе школьніку аказалі медыцынскую дапамогу і праз некалькі дзён выпісалі.
Рэчыва, якое дзіця прыняло за цукар, было едкай шчолаччу — гідраксідам натрыю (каўстычная сода). Бацька растлумачыў, што захоўваў каўстычную соду для апрацоўкі інвентару і вулляў.
Такая сода адносіцца да высоканебяспечных па ступені ўздзеяння на арганізм рэчываў. Пры траплянні на скуру, у вочы, лёгкія, страўнікава-кішэчны тракт выклікае хімічныя апёкі, а смяротнай дозай прыёму ўнутр лічацца 10-20 г.
Другі выпадак адбыўся з 4-гадовым малым.
Хлопчык быў з мамай у гасцях у бабулі і дзядулі, знайшоў пад шафай упакоўку са сродкам супраць грызуноў і пакаштаваў адну таблетку, прыняўшы яе за цукерку.
Хуткая рэакцыя дарослых і шпіталізацыя дапамаглі пазбегнуць праблемаў.
Чытайце таксама:
У Камянецкім раёне хлопчык упаў пад мотакультыватар, які працаваў
У Бярозаўскім раёне пенсіянерка атруцілася апенькамі. Як так сталася?
11 гадоў бахуру? А паводзіны як на 4