18 гадзін у чарзе! На мяжы з Літвой стала такое ж пекла, як і на польскай
Сітуацыя з чэргамі на мяжы толькі горшае. Пра гэта нам расказаў наш чытач Віктар (імя зменена), які быў вымушаны адстаяць на мяжы з Літвой ажно 18 гадзін.
Мужчына выязджаў з Беларусі на мінулым тыдні праз памежны пункт «Катлоўка». Ён расказвае, што правяраў наяўнасць чэргаў на сайце Дзяржпагранкамітэта, і там было каля 30 машын, таму і вырашыў праходзіць праз мяжу ў Катлоўцы. Але ж на сайце пазначаныя толькі машыны, якія стаяць у зоне чакання, і нічога не сказана пра транспарт, што стаіць перад ёй, а там знаходзілася яшчэ некалькі дзясяткаў машын.
Віктар стаў у чаргу ранкам, а трапіць на саму тэрыторыю памежнага пункта змог толькі праз 13 гадзін. Яшчэ некалькі гадзін сышло ўласна на праходжанне мяжы з беларускага і літоўскага бакоў.
Вінаватымі ў такой сітуацыі, аднак, беларус называе літоўскіх памежнікаў, бо, паводле яго, тыя працуюць дужа павольна. Прычым Віктар адзначае, што ён не пабачыў з літоўскага боку надта руплівай праверкі, хутчэй, тыя проста не спяшаюцца працаваць.
«Наша Нiва» — бастыён беларушчыны
ПАДТРЫМАЦЬЧытайце таксама:
Пашпартны кантроль і чэргі па начах. Як выглядае пераход беларуска-расійскай мяжы
