Знайсці
30.09.2023 / 10:5013РусŁacБел

Расказваем, чаму з Google Docs варта быць асцярожнымі — калі вы іх адкрыеце, яны могуць вас выдаць

А таксама, чаму варта пачысціць спіс прагледжаных дакументаў і як іх праглядаць бяспечна.

Нядаўна Офіс Святланы Ціханоўскайвыклаў у Google Drive дакумент «Канцэпцыя кампенсацыі шкоды асобам, рэпрэсаваным у перыяд рэжыму Аляксандра Лукашэнкі, і недапушчэння паўтарэння сур'ёзных парушэнняў правоў чалавека». І атрымаў крытыку — бо дакументы, прагледжаныя такім чынам, захоўваюцца ў раздзеле «Абагуленае са мной» назаўсёды.

З Google Drive ёсць дзве небяспекі. Па-першае, калі вы праглядзелі там дакумент, да таго моманту, пакуль вы маеце яго доступ, гэта можна будзе праглядзець. Па-другое, стваральнік дакумента бачыць, хто праглядаў дакумент.

Другая праблема вырашаецца так — пераходзіце па спасылках на гугл-дакументы толькі праз браўзер у рэжыме «Інкогніта». Каб яго адкрыць у браўзеры Google Chrome націсніце «Customise and control Google Chrome», які выглядае як тры кропкі ў рад. Націсніце там «New Incognito Window» (Новае акно інкогніта).

Меню Google Chrome, праз якое можна адкрыць «рэжым інкогніта»

У рэжыме «інкогніта» браўзер не ведае вашы гугл-акаўнты і яны не захаваюцца ў стваральніка дакумента.

Яшчэ адзін варыянт — карыстацца браўзерам, у якім вы не залагіненыя ў ваш гугл-акаўнт, або TOR-браўзерам (там з адлюстраваннем могуць быць праблемы).

Не пераходзьце па спасылках на Google Drive праз тэлеграм ці іншыя платформы — звычайна ў такім выпадку вас перакіне ў гугл-дакумент з «асноўнага» браўзера, у якім можа быць захаваны ваш гугл-акаўнт. Капіруйце спасылку ўручную, пасля ўваходзьце ў рэжым «інкогніта», устаўляйце яе ў адрасны радок браўзера і толькі пасля пераходзьце па ёй.

Пра вырашэнне другой праблемы з прагледжанымі дакументамі мы пісалі ў артыкуле пра ачыстку Google-акаўнта, але не вельмі падрабязна. Для таго, каб выдаліць абагуленыя з вамі дакументы (а гэта ўсе дакументы, якія вы некалі адкрывалі праз ваш акаўнт), перайдзіце спачатку ў Google Drive.

Меню Google Дыска

Націсніце пункт «Абагулена са мной». Адкрыецца спіс дакументаў, якія вы некалі адкрывалі на вашым акаўнце — звычайна, іхнія аўтары не пераймаюцца тым, каб пасля выдаліць доступ. Знайдзіце дакумент, які вы хацелі б выдаліць.

Знешні выгляд файлаў у меню «Абагулена са мной»

Або выдзеліце яго націсканнем (доўгім націсканнем на мабільных прыладах), або націсніце на меню файла ў выглядзе трох кропках у радок.

Так можна адкрыць меню выдалення файлаў Google Drive

Пасля гэтага націсніце «Выдаліць» або значок «сметніцы» і файл выдаліцца. Гэтыя файлы не змяшчаюцца ў «Сметніцу» вашага Google Дыска, таму ачышчаць яе не трэба.

Таксама вы можаце выдзяляць файлы. На камп'ютарах гэта робіцца націсканнем клавішы Ctrl (Command на Mac) для выдзялення асобнага файлу або Shift для выдзялення шэрагу. На смартфонах проста рабіце доўгі націск на кожны файл.

«Наша Нiва» — бастыён беларушчыны

ПАДТРЫМАЦЬ

Чытайце таксама:

Затрымліваюць людзей, у якіх адшукалі фота з пратэстаў у Google Photos. Як абараніць сябе — пакрокавы гайд

Гугл можа выдаць гісторыю вашых перамяшчэнняў. Як абараніць ваш Google-акаўнт — падрабязны гайд

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
29
Панылы сорам
1
Ха-ха
1
Ого
2
Сумна
0
Абуральна
4
2
Anatol Starkou/адказаць/
30.09.2023
Я, канечна, звіняюсь - бо сам не тутэйшы й не ITішнік. А ці можна вось так, як у артыкуле: клік сюды ды клік туды І... тым самым клікам перадаць праз Гугл Док сакрэтную ваенную ці дзяржаўную інфу, якую, зразумела, не заўважаць бчб кадэбіст, чз кадэбіст і не бчб цэрэвушнік? 
0
Проста жыхар/адказаць/
01.10.2023
Anatol Starkou, падобна, некаторым людзям лепей ротам толькі жаваць, а рукамі толькі бульбу перабіраць, але пальцам паказваць не буду
0
Міколка/адказаць/
17.12.2023
Максим Дизайнер, падаецца, што вы аніводнага раза ня былі ні ў губазіку, ні на Акрэсціна. І што тэлефон у вас могуць адабраць у любы момант дзе заўгодна. Што калі карнікі ламаюць вам мелкія косткі, выбівая з вас паролі, то знойдзецца ня вельмі шмат тых, хто здольны гэта вытрымаць. Ня ведаеце пра выракі з турмой альбо катаргай за каменты і нават падабайкі, і пра арышты на мяжы. Таму не папракайце нікога за сур'ёзнае стаўленне да ўласнай бяспекі.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930