Новы сайт Kamunikat.org: яшчэ больш кніг і магчымасцяў
Анлайн-бібліятэка Kamunikat займела абноўленую версію сайта, а таксама запусціла шэраг літаратурных ініцыятыў.
Сёння Камунікат прапануе павіншаваць з народзінамі Івана Данілава. Доктару медыцынскіх навук, аўтару гістарычных кніг сёння споўнілася 99 гадоў.
Сярод іх, напрыклад, запіс і выданне аўдыякніг сучасных беларускіх аўтараў — Андрэя Федарэнкі, Уладзіміра Арлова, Барыса Пятровіча, Алеся Аркуша, Артура Клінава, Валера Гапеева і іншых.
Камунікат арганізуе таксама літаратурныя івэнты. Гэтак, сёлета адбыўся еўрапейскі тур з Уладзімірам Арловым — больш за 10 гарадоў у чатырох краінах (Польшча, Нямеччына, Італія і Літва). Але мэта такіх імпрэзаў, дзе б яны ні праходзілі, не толькі выключна культурніцкая. Гэта заўсёды нагода для аб’яднання беларусаў і сустрэч з беларускай дыяспарай, з тымі людзьмі, якія не са сваёй волі з’ехалі з Беларусі.
Камунікат працягвае і свой амбітны праект — выданне аўдыяверсіі «Галасоў утопіі» нобелеўскай лаўрэаткі Святланы Алексіевіч. Апублікаваная ўжо трэцяя кніга серыі — «Цынкавыя хлопчыкі». Упершыню яна выходзіць па-беларуску і без цэнзуры.
Аднак асноўным кірункам Kamunikat.org застаецца збор і захаванне кніг і перыёдыкі, якія выходзяць па-беларуску ці пра Беларусь.
Зараз сайт стаў максімальна сучасным, дзякуючы новаму дызайну і аптымізацыі пад самыя розныя дэвайсы і прылады. Таксама хутчэй сталі загружацца старонкі і выданні, піша «Будзьма».
Чытайце таксама:
