Берасцейца пакаралі за абразу міністра адукацыі
Суд Маскоўскага раёна Брэста 17 жніўня разгледзеў крымінальную справу супраць Дзмітрыя Семака. Мужчыну абвінавацілі паводле арт. 369 КК Беларусі (абраза прадстаўніка ўлады). Судовы працэс вяла Таццяна Лаўранюк. Падрабязнасці крымінальнай справы даведалася «Берасцейская вясна» з апублікаванага прысуду.
Міністр адукацыі Андрэй Іванец
Дзмітрыя Семака затрымалі 6 ліпеня 2023 года і да суда змясцілі пад варту.
Па матэрыялах абвінавачання, 23 чэрвеня 2022 года ў 10:49 ён напісаў тэлеграм-каментар пра міністра па прозвішчы І. У гэтым каментары экспертыза знайшла «негатыўную ацэнку» міністра, выяўленую «ў ненарматыўнай форме маўленчага выказвання».
«Берасцейская вясна» праверыла спіс дзейных міністраў у Беларусі. З прозвішчам, якое пачыналася б з літары І, ёсць толькі міністр адукацыі Андрэй Іванец. Як мяркуецца, менавіта пра яго быў непахвальны каментар Семака.
А прысудам мужчыну сталі тры месяцы арышту і канфіскацыя тэлефона «як сродку здзяйснення злачынства».
Чытайце таксама:
Сталі вядомыя выракі відэааператару Вячаславу Лазараву і яго жонцы Таццяне Пыцько
42-гадовы гарадзенец пакінуў радзіму пасля затрымання. І праз тыдзень не вытрывала сэрца
У Лідзе прайшлі затрыманні на «Белтэкс Оптык», «Лакафарбе» і прадпрыемстве ЖКГ
У Лідзе затрымалі мужчыну і ягонага начальніка, які папярэдзіў пра небяспеку
