Знайсці
25.09.2023 / 19:2610РусŁacБел

Што вядома пра маладых беларусак, якія загінулі ў Турцыі

Гэта 27-гадовая ілюстратарка і 24-гадовая раварыстка.

Дар'я Заяц. Фота: яе старонка ў інстаграме

Адной з загінулых, Дар'і Заяц, было 27 гадоў. Дзяўчына скончыла Магілёўскі дзяржаўны каледж мастацтваў у 2015 годзе. Пасля паступіла ў Беларускую дзяржаўную акадэмію мастацтваў на спецыяльнасць «графічны дызайн».

Увесь гэты час дзяўчына працавала графічным дызайнерам. Спачатку ў дызайн-студыях, а ў апошні год перайшла ў IT, у кампанію Glera Games, якая распрацоўвае мабільныя гульні.

Сярод іншага дзяўчына была ілюстратаркай дзвюх беларускамоўных кніг: зборніка казак «12 месяцаў. Жнівень» ад «Мастацкай літаратуры» і кнігі «Казачны кут» ад прыватнага выдавецтва.

Кнігі, ілюстраваныя Дар'яй Заяц

У адпачынак дзяўчына паехала ў Турцыю. Дар'я купіла палёт на параплане з інструктарам. На вышыні 800 метраў параплан пачаў губляць вышыню і разбіўся. Дзяўчына загінула, а інструктар у цяжкім стане ў рэанімацыі лякарні Аланьі. Паліцыя праводзіць расследаванне.

Другая загінулая — 24-гадовая айцішніца Вікторыя Калавусава. Дзяўчына таксама родам з Магілёва. Яна скончыла спачатку Сацыяльна-гуманітарны каледж імя Куляшова, а пасля Беларуска-расійскі ўніверсітэт па спецыяльнасці «аўтаматызаваныя сістэмы апрацоўкі інфармацыі». Працавала ў кампаніі «Сотбіт».

Апошнім часам дзяўчына жыла ў Грузіі, у горадзе Батумі. Яе сапраўдным захапленнем быў ровар, і яна ўдзельнічала ў аматарскіх спаборніцтвах і марафонах, рэгулярна займаючы прызавыя месцы. Таксама вельмі любіла падарожнічаць.

Згодна з інфармацыяй з турэцкіх медыя, Вікторыя з сябрам патрапілі ў ДТЗ: яны ехалі на ровары, і іх на вялікай хуткасці збіла машына.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
2
Ха-ха
1
Ого
1
Сумна
119
Абуральна
4
26.09.2023
Дедушка, / sam hvory na galavu....narmalnyja kamenty....
2
Анна/адказаць/
26.09.2023
Gorliwy Litwin, літвін вы или нет, но хочется назвать вас совсем иначе, на букву м. Одна девушка точно была там с мужем, как это вообще меняет ситуацию? Больше волнует откуда у редакции вообще вся эта информация, если близкие её вам не передавали?
27.09.2023
sto vjadoma...?. Vjadoma sto jany hvoryja *na ekstrym* i na galavu....
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера