Знайсці
25.09.2023 / 17:017РусŁacБел

Карпянкову споўнілася 55 гадоў, а ўказа Лукашэнкі няма

Паводле «Закона аб вайсковым абавязку і вайсковай службе», максімальны ўзрост знаходжання на службе для генерал-маёра, якім ёсць Карпянкоў, 55 гадоў. Столькі яму споўнілася 6 верасня. Рашэнне аб далейшым працягу службы павінен прыняць Лукашэнка, але на ягоным сайце такога распараджэння пакуль не з'явілася. Але не з'явілася і распараджэння аб адстаўцы.

Мікалай Карпянкоў (справа) — камандуючы ўнутранымі войскамі МУС і адзін з арганізатараў масавых рэпрэсій 2020—2023 гадоў. Фота тэлеграм-канала @vvmvdrb

Раней у такіх сітуацыях на сайце Аляксандра Лукашэнкі публікаваліся распараджэнні аб дазволе працягваць службу генералам, якім спаўнялася 55 гадоў.

Адносна нядаўна так было з Аляксандрам Барсуковым, Віктарам Лісоўскім і іншымі. 

А вось з Карпянковым — цішыня. У такім выпадку фармальна Карпянкоў павінен пайсці на пенсію.

Але на сайце Міністэрства ўнутраных спраў ён усё яшчэ значыцца кіраўніком унутраных войскаў, што можна разумець як сведчанне працягу службы. 

Карпянкову ў званні палкоўніка ўжо адзін раз дазвалялі працягнуць службу. Як расказваюць крыніцы «Нашай Нівы», тое адбылося са скрыпам і насуперак тагачаснаму кіраўніку Рады бяспекі Станіславу Засю. 

Зорны час Мікалая Карпянкова і ягонага Галоўнага ўпраўлення па барацьбе з арганізаванай злачыннасцю МУС, якое вісела на валаску ад расфарміравання, прыйшоўся на 2020 год. 

Тады начальнік ГУБАЗіКа стаў адным з арганізатараў і выканаўцаў масавых рэпрэсій супраць беларускага народа. 

У выніку 19 лістапада 2020-га ён быў павышаны Лукашэнкам у кіраўнікі ўнутраных войскаў МУС. 

Імаверная пераможца прэзідэнцкіх выбараў 2020-га Святлана Ціханоўская, уладу якой Аляксандр Лукашэнка не перадаў, ініцыявала прызнанне ГУБАЗіКа тэрарыстычнай арганізацыяй, але на міжнародным узроўні тэма развіцця не атрымала.

25 верасня Мікалай Карпянкоў прысутнічаў на выпрабаваннях на «крапавы берэт» для байцоў Унутраных войскаў.

Чытайце таксама:

 Карпянкоў наведаў лагер вагнераўцаў

«Аддадзена каманда на зачысткі». Карпянкоў расказаў, як сілавікі рыхтуюцца змагацца з апазіцыяй

Карпянкоў пра апазіцыю: Шалёныя сабакі, якія заслугоўваюць толькі аднаго — смерці

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
3
Ха-ха
10
Ого
1
Сумна
0
Абуральна
12
1
Zwintar na БелАЭС/адказаць/
25.09.2023
Значыць яму туды дарога, Брэская вуліца на Захад нас вядзе 8⁠-⁠)
25.09.2023
Та-дам, /moguc zabic voragi....brudna praca....
2
Свои уже страшнее бчбшников/адказаць/
25.09.2023
Kotya, сначала все они залетят на карту Чёрная книга Беларуси. Ну а потом возможно и Карпенкова выкинут на свалку. Карпенков наверное не ожидает, что его выкинут свои?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера