У Баранавічах фура не саступіла дарогу матацыклу — загінулі кіроўца і пасажыр байка
ДТЗ адбылося каля 19 гадзін на вуліцы 50 гадоў ВЛКСМ, паблізу дома №52. Паводле папярэдняй інфармацыі, пры павароце налева кіроўца фуры не прапусціў матацыкліста.
Фота: тэлеграм МУС
На месцы працуюць супрацоўнікі ДАІ, ратавальнікі, следча-аператыўная група.
Паводле даных следства, каля 19 гадзін 52-гадовы мужчына, кіруючы седлавым цягачом DAF з прычэпам, рухаўся па вуліцы 50 гадоў ВЛКСМ. Паварочваючы налева, ён сутыкнуўся з матацыклам Honda, які рухаўся ў сустрэчным кірунку.
Фота: Следчы камітэт Беларусі
Фота: Следчы камітэт Беларусі
Фота: Следчы камітэт Беларусі
У выніку ДТЗ 29-гадовы кіроўца матацыкла і пасажыр, асоба якога высвятляецца, загінулі. Кіроўца фуры не пацярпеў.
Следчыя з прыцягненнем супрацоўнікаў ДАІ і спецыялістаў ДКСЭ праводзяць агляд месца здарэння.
Распачата крымінальная справа па ч. 3 арт. 317 (парушэнне правілаў дарожнага руху асобай, якая кіруе транспартным сродкам, што пацягнула па неасцярожнасці смерць дзвюх асоб) Крымінальнага кодэкса Рэспублікі Беларусь.
