Знайсці
21.09.2023 / 11:27РусŁacБел

У Еўлаху пачалася сустрэча прадстаўнікоў Азербайджана і Нагорнага Карабаха

У азербайджанскім Еўлаху пачалася сустрэча прадстаўнікоў Азербайджана з дэлегацыяй армянаў Нагорнага Карабаха, перадае РІА «Новости». Перагаворы праходзяць у закрытым фармаце.

Баку, паводле агенцтва, прапанаваў рэінтэграцыю карабахскіх армянаў на аснове азербайджанскай Канстытуцыі. Напярэдадні памочнік прэзідэнта рэспублікі Ільхама Аліева Хікмет Гаджыеў паведаміў, што ўрад падрыхтаваў план сацыяльна-эканамічнай інтэграцыі жыхароў рэгіёна. 

Азербайджан на перамовах прадстаўляе дэпутат парламента Рамін Мамедаў, якога прэзідэнт рэспублікі Ільхам Аліеў у сакавіку надзяліў паўнамоцтвамі на афіцыйныя кантакты са Сцепанакертам. Таксама прысутнічае дэлегат ад расійскага міратворчага кантынгенту.

Мінабароны Азербайджана 19 верасня паведаміла аб правядзенні «антытэрарыстычных мерапрыемстваў» «для аднаўлення канстытуцыйнага ладу ў Нагорным Карабаху».

20 верасня Нагорны Карабах прыняў рашэнне аб капітуляцыі.

Расійскія міратворцы заявілі, што ўжо эвакуявалі з трох раёнаў Нагорнага Карабаха пяць тысяч чалавек.

Чытайце таксама:

Што такое Нагорны Карабах і што армяне з азербайджанцамі там дзеляць

«Гэта вельмі ўразлівая мадэль». Пашынян заявіў, што Арменія больш не можа спадзявацца на Расію

У Арменіі затрымалі прарасійскага блогера і журналіста «Спутніка»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
6
Панылы сорам
3
Ха-ха
1
Ого
0
Сумна
1
Абуральна
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера