Знайсці
15.09.2023 / 22:473РусŁacБел

На тэрыторыі заказніка «Спораўскі» выпусцілі статак тураў

У Брэсцкай вобласці ў заказніку «Спораўскі» з'явіліся новыя жыхары — на вольны выпас выпусцілі 13 тураў, піша bereza.by.

Дырэктар заказніка Вадзім Пратасевіч растлумачыў, што туры трапілі ў заказнік праз два гады пасля таго, як патрапілі ў Беларусь.

Спачатку жывёл прывезлі ў Беларусь з Латвіі, але два гады туры жылі побач з Туравам на спецыяльным востраве. І толькі цяпер іх перавезлі ў заказнік.

Да статка з 13 тураў хутка дададуцца яшчэ 11, якія пакуль змешчаныя на каранцін.

Акрамя таго, у найбліжэйшыя месяцы ў заказнік падселяць статак тарпанападобнага каня — каля 25 жывёл. Для іх ператрымкі і адаптацыі да заказніка пабудуюць вальер на 5,1 гектара.

«Галоўнай прычынай засялення тураў і тарпанападобных коней у заказніку з'яўляецца аднаўленне ўнікальнай прыроднай біяразнастайнасці», — растлумачыў дырэктар заказніка.

Яны, паводле задумы, будуць «жывымі касілкамі» для прыроды заказніка, дапамогуць спыніць карозію глебы, прывядуць у парадак зарослыя тэрыторыі. 

Чытайце таксама:

У Мінскай вобласці заўважылі рэдкую змяю

У Мядзельскім раёне ратавальнікі выцягнулі з багны карову

У Белавежскай пушчы расказалі, як і дзе жывуць барсукі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
абосраная карова/адказаць/
15.09.2023
туры-газонакасілкі
гэта тыпу добра
а як яны размнажацца плануюць? на трыдэ прынтары?

0
Качанава/адказаць/
16.09.2023
Згодна з вікіпедыяй, тур вымер чатыры стагоддзя таму
0
Woodoo Cult /адказаць/
17.09.2023
[Рэд. выдалена]
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера